ကျွန်တော်ငယ်ငယ်တုန်းက
အိပ်မက်တွေကပြောတယ်
အရုပ်လှလှလေးတွေနဲ့ ပုံပြင်ကမ္ဘာထဲက
တိရစ္ဆာန်လေးတွေပေါ့။
ကျွန်တော်ကျောင်းနေခါစက
အိပ်မက်တွေကပြောတယ်
သူငယ်ချင်းတွေလွယ်တဲ့
ကျောပိုးအိတ်လှလှလေးတွေနဲ့
ရောင်စုံစက်ဘီးလေးတွေပေါ့။
ကျွန်တော်အရွယ်ရောက်လာတော့
အိပ်မက်တွေကပြောတယ်
သံစုံသီကျုးတတ်တဲ့ မိန်းမလှလေးတွေပေါ့
ကျွန်တော်အရွယ်လေးဟိုင်းလာတော့
အိပ်မက်တွေကပြောတယ်
သာယာချမ်းမြေ့တဲ့ မိသားစုဘ၀လေးနဲ့
ချစ်စရာကလေးလေးတွေပေါ့
ကျွန်တော်အရွယ်ကျလာတော့
အိပ်မက်တွေကပြောတယ်
ငြိမ့်ညောင်းအေးဆေးတဲ့ ထွက်သက်တစ်ခုပေါ့
ပြီးတော့ အုတ်ဂူလှလှလေးတစ်လုံး
ချစ်ရသူရဲ့ ထာဝရလှဲလျောင်းရာ နံဘေးမှာပေါ့။
မျိုးဇော် (၀၉.၀၁.၁၀)
ကြုံတုန်းပြောရအုံးမယ်ဗျ။
ကျွန်တော်ငယ်ငယ်တုန်းက အလိုချင်ဆုံးအရာနှစ်ခု ရှိခဲ့ဘူးတယ်။ အဲဒါ တစ်ခြားကျောင်းသားတွေလွယ်တဲ့ ကျောပိုးအိတ်လေးတွေနဲ့ စက်ဘီးလေးတွေပဲ။ ကျွန်တော့်အမေကတော့ ကျောပိုးအိတ်လွယ်ရင် ခါးကုန်းမှာစိုးလို့ဆိုတဲ့ အကြောင်းပြချက်နဲ့ ကျွန်တော့်ကို ကျောပိုးအိတ်ဝယ်မပေးဘူးဗျ။ စက်ဘီလည်းထိုနည်း၎င်းပဲ။ အဲဒီတော့ ကျွန်တော်ညဘက်အိပ်ပျော်သွားတိုင်း အိပ်မက်ထဲမှာမက်မိတာက ကျောပိုးအိတ်လေးလွယ်ပြီး စက်ဘီးစီးပြီးကျောင်းသွားရတာ ခဏခဏပါပဲ။ ကြီးလာတော့ ငယ်ငယ်ကလိုချင်ခဲ့တဲ့ ကျောပိုးအိတ်တွေ၊ စက်ဘီးတွေကို မိဘတွေက၀ယ်ပေးပေမယ့် အဲဒီ့အချိန်ကျတော့ ကျွန်တော်လိုချင်တာ အဲဒါတွေမဟုတ်တော့ပြန်ဘူးဗျ။ သိတယ်မလား။ ကဗျာထဲကအတိုင်းပဲ၊ အရွယ်ရောက်လာတော့……….ဟဲ ဟဲ။ အရွယ်ကတော့ မဟိုင်းသေးပါဘူးဗျာ။ ဒါတွေကကြိုတွေးထားတာလေ။ အုတ်ဂူလှလှလေးကလည်း အဝေကြီးလိုသေးတယ်ထင်တာပဲ။ အားလုံးပျော်ရွှင်နိုင်ကြပါစေ။(အိပ်မက်များ)
No comments:
Post a Comment