(၁)
နွေလေရူးရေ...
နွေဆိုတာ ပူပြင်းတယ်ဆိုတာ လူတိုင်းသိပါတယ်။
အဲဒီ့ပူလောင်တဲ့ နွေရက်တွေကို ချွေးသိပ်ဖို့
လေပြင်းလေညင်းလေးတွေကို တက်မက်ခဲ့တာ ငါ့အမှားလား။
တစ်ခါတစ်လေတော့လည်း
နွေရဲ့ကဗျာ ဥသြသံလေးတွေကို
ငါ့တစ်ယောက်တည်းအတွက်ပဲလို့
အတ္တထားမိတာရော ငါမှားတာပဲလား။
(အိပ်မက်များ)
ဥသြ….ဥသြ
ကျွန်တော်လျှောက်နေသော အင်လျားလမ်းမကြီး၏ နံဘေးရှိအပင်မြင့်ကြီးတွေကနေ ဥသြဌက်တွန်သံကို ကြားနေရသည်။ တစ်ခါတစ်ခါတိုက်ခတ်လာသော နွေနေ့လည်၏ အပူဓာတ်ပါသော လေများက ချွေးစို့နေသော ကျွန်တော်ခန္ဓာကိုယ်ကို အေးမြလန်းဆန်းစေပါသည်။ နွေရာသီ၏ နေ့လည်ခင်းတွေမှာ အပြင်ထွက်ရတာ မကြိုက်သောကျွန်တော်အဖို့ ဒီနေ့တော့ မထွက်မနေရကိစ္စတစ်ခုကြောင့် အပြင်ထွက်လာရသည်။ နွေရာသီနှင့်ပတ်သက်ပြီး တစ်ခြားဘာခံစားချက်မှ ထွေထွေထူးထူးမရှိသောကျွန်တော် ဒီတစ်ခါတော့ တိုက်ခတ်လာသောလေပူတွေကြားမှာ အငွေ့အသက်တစ်ခုကို ခံစားမိသည်ဟု ကျွန်တော်ထင်သည်။ ပြီးတော့ သက်ပြင်းတွေချမိရင်း သိပ်မကြာသေးတဲ့ အချိန်တစ်ခုကို သတိရမိသလိုခံစားရသည်။ သိပ်မကြာလှသေးသောအချိန်က အခုလို ကြဲကြဲတောက်အောင်ပူနေသော နွေနေ့တွေနဲ့ လေပူပူတွေကို လွမ်းဆွတ်မိသလို ခံစားရသည်။
(၂)
နွေလေရူးရေ....
လမ်းမကြီးထက်မှာ အေးမြတဲ့သစ်ရိပ်တွေရှိကြတာပဲ
ဒါပေမယ့် ပူလောင်တဲ့ ထီးရိပ်ကိုမှလိုချင်မိတာ ငါမှားလား။
လျှောက်ချင်စရာကောင်းတဲ့ ရွက်ကြွေတောတွေမှာ
တစ်ကိုယ်ရည် စိတ်ကူးယဉ် လွတ်လပ်ပျော်ပါးလို့ရတယ်ဆိုတာ
ငါသိပါတယ်။
ဒါပေမယ့် အဲဒီ့လွတ်လပ်ပျော်ရွှင်မှုတွေကို မျှဝေချင်လို့
ငါတစ်ယောက်တည်း မသွားချင်ပါဘူးဆိုရင်ရော
ငါမှားတာပဲလား။
(အိပ်မက်များ)
နွေနေ့လည်ခင်းတွေကို ကျွန်တော်မကြိုက်ပေမယ့် အခုလိုသိပ်ရိပ်ဝါးရိပ်အောက်မှာ သဘာဝဆန်ဆန်လမ်းလျှောက်ရတာကိုတော့ နှစ်သက်ပါသည်။ နွေ၏အပူရှိန်ကြောင့် မြေခခဲ့ရသော ရွက်ကြွေတွေကို ကျွန်တော်အသံတွေထွက်လာအောင် နင်းရင်း ဥသြဌက်တွန်သံကို နားထောင်ခွင့်ရတာ နွေ၏သင်္ကေတ တစ်ခုပဲဟု အခုချိန်ကြမှ ကျွန်တော်သဘောပေါက်သည်။ တစ်ခါတစ်ခါတိုက်ခိုက်လာသော နွေနေပူ၏ အနွေးဓာတ်ပါသော လေတွေကလည်း နွေသရုပ်ကိုခံစားနေသော ကျွန်တော့်ဘ၀င်ကိုအေးမြစေပါသည်။ အခုလိုနွေရက်တွေမှာ သူငယ်ချင်းတွေစုပြီး အော်ဟစ်ပျော်ပါးပြီး လမ်းတွေလျှောက်ရတာထက် အခုလိုတစ်ကိုယ်ရည် လမ်းလျှောက်ရတာကိုက နွေ၏အရသာကို ပိုပြီးပိုလွင်စေသည်ဟု ကျွန်တော်ထင်သည်။ အခုလိုကြတော့လည်း ကျွန်တော်မုန်းသော နွေရာသီက ချစ်စရာအကောင်းသား။
(၃)
နွေလေရူးရေ...
ဘယ်ဆီအရပ်ကမှန်း ခန့်မှန်းရခက်တဲ့
နွေလေရူးတွေ တိုက်နေပြန်ပြီ
နေရောင်ခြည်ကိုဖြတ်သန်းလာရတဲ့ လေပူပူတွေလည်းပါတယ်။
ပြီးတော့ ဘယ်အရပ်ဆီကိုမှန်း မသိ
ထွက်ခွာသွားပြန်တယ်...။
(အိပ်မက်များ)
ကျွန်တော်တို့နိုင်ငံရှိ ဥတုသုံးလီလုံးမှာ လေစီးကြောင်းတွေက မတူညီသောအရပ်တွေဆီကနေ တိုက်ခတ်တတ်ကြသည်။ ကျွန်တော်နှစ်သက်သော ဆောင်းဆိုလျှင် ကမ္ဘာကြီး၏ မြောက်ဘက်ခြမ်း ရေခဲတိုက်ကြီးတွေဘက်ကနေ လေအေးအေးတွေနဲ့ အတူတိုက်ခတ်သည်။ မြောက်ပြန်လေ၀င်ပြီဆိုလျှင် ဆောင်းရောက်ပြီဟု ဆိုနိုင်သည်။ မိုးရာသီကြပြန်တော့လည်း မြန်မာနိုင်ငံ၏ အနောက်တောင်ဘက်မှမုတ်သုန်လေတွေနှင့်အတူ မိုးစက်မိုးပေါက်တွေကို သယ်ဆောင်လာတတ်သည်။
အခုကျွန်တော့်ခန္ဓာကိုယ်ပေါ်ကို ဖြတ်သန်းတိုက်ခတ်နေသော နွေလေပူတွေကရော ဘယ်အရပ်ဆီကလာပါသလဲ။ ကျွန်တော်မသိ…။ သတိထား စောင့်ကြည့်ပြန်တော့လည်း ဒီတစ်ခါနှင့် နောက်တစ်ခါလာရပ်ကမတူ။ ဘယ်အရပ်ဆီကလို့ တိတိကျကျမရှိသော နွေလေပူတွေက တစ်ခါတစ်ခါ လေပွေတွေတောင် ခေါ်လာတတ်သေးသည်။ ဒီလိုအချိန်တွေဆို လေပွေတွေနှင့်အတူပါလာတတ်သော ဖုန်မှုတ်တွေ၊ အမှိုက်စတွေကို မျက်စိထဲမ၀င်အောင် ကာကွယ်ရင်း လေပွေတွေက ကျွန်တော်သတိမထားမိသေးခင် ထွက်ခွာသွားကြပြန်သည်။
(၄)
နွေလေရူးရေ…
နင်သာငါ့ဘေးက ဖြတ်သန်းတိုက်ခတ်မသွားဘူးဆိုရင်
ပူလောင်တဲ့နွေရာသီကို အအေးသက်သာဖို့
တစ်ခြားတစ်နည်းနည်ုးနဲ့ ငါကြိုးစားကြည့်မှာပါ။
အခုတော့နင်ပေးခဲ့တဲ့ လေပူပူတွေရဲ့
အေးမြမှုကို ငါတက်မက်သွားခဲ့ရပြီ။
ပြီးတော့ နွေရာသီရဲ့ ပူလောင်မှုကို
နင့်ရဲ့အေးမြမှုတစ်ခုတည်းနဲ့ပဲ အစားထိုးကြည့်ချင်နေမိတယ်။
နွေလေရူးရေ နင်ထွက်ခွာသွားမယ့်အရပ်ကို
တကယ်ဆိုငါ့ကိုပြောပြခဲ့ဖို့ ကောင်းတယ်။
(အိပ်မက်များ)
ဒီတစ်ခါ နွေလေပူတွေတိုက်ခတ်လာရင်တော့ ဘယ်အရပ်ဆီကလာပြီး၊ ဘယ်အရပ်ဆီသွားမှာလဲဟု ကျွန်တော်မေးကြည့်ချင်သည်။ အမှန်အတိုင်းဝန်ခံရလျှင် အကယ်၍သာ အခုလိုပူပြင်းသောနွေရာသီ၌ သာယာကြည်နူးဖွယ်ကောင်းသည့် နွေလေရူးတွေရှိသည်ဆိုတာကိုသာ ကျွန်တော်မသိခဲ့ပါလျှင် အပူဒဏ်ကိုသက်သာစေရန် တစ်ခြားတစ်နည်းနည်းကို အသုံးပြုမိမှာသေချာသည်။ အခုတော့ နွေလေရူးတွေရဲ့အေးမြမှုကို ကျွန်တော်တိမ်ညွတ်ခဲ့ပါပြီ။ တစ်ခါတစ်လေတော့လည်း ဘယ်အရပ်ဆီကလာပြီး ဘယ်အရပ်ဆီသို့ခရီးနှင်မည် မသိသည့် မရေရာမသေချာလှသော နွေလေရူးတွေ၏ အေးမြလန်းဆန်းမှုကို တစ်ခြားမည်သည့်အရာနှင့်မှ အစားမထိုးပဲ စောင့်မျှော်ကြည့်ချင်မိသည်။
ကျွန်တော်လျှောက်နေသော အင်းလျားကတော့ ဥသြံတွန်သံတွေနဲ့ ညံနေသည်။ ဒီတစ်ခေါက်နွေလေရူးတွေ မလာသေးသရွေ့တော့ ဒီဥသြတွန်သံတွေနဲ့ပဲ ကျွန်တော်စိတ်ကို ဖြေသိမ့်ရအုံးမည်။
မျိုးဇော်(၂၈.၀၂.၁၀)
No comments:
Post a Comment