ကန်ရိပ်သာလမ်းပေါ်က အိပ်မက်များ

အပြင်မှာ ရာသီဥတုက အေးလာပြီ။ အေးမှာပေါ့ ဆောင်းတောင်ရောက်နေပြီပဲ။ ဆောင်းရောက်ပြီဆိုတာ သိလိုက်တာနဲ့ ကျွန်တော့်လက်တွေကလည်း အလိုလိုနေရင်း တစ်စုံတစ်ခုကို လက်ချိုးရေကြည့်လိုက်မိတယ်။ ဘာလိုလိုနဲ့ လေးနှစ်တောင် ရှိသွားပြီပဲ။ ဟုတ်တယ် ကျွန်တော်ဒီလောကထဲရောက်တာတောင် လေးနှစ်ပြည့်ခဲ့ပြီ။
ဟိုးတစ်ချိန်တုန်းက သင်တန်းသားဘ၀နဲ့ ကန်ရိပ်သာလမ်းပေါ်လျှောက်ရင်း စိတ်ကူးယဉ်ကြည့် ခဲ့ဘူးတဲ့ ကျွန်တော့်အနာဂတ်တွေနဲ့ အခုလက်ရှိရောက်နေတဲ့ လက်တွေ့ဘ၀ ဘာတွေကွာခြားနေတုန်းလည်း ဆိုတာကိုလည်း တစ်ဆက်တည်း တွေးကြည့်မိတယ်။
လက်ရှိကြုံတွေ့နေရတဲ့ အကျပ်အတည်းတစ်ချို့ကြောင့် တစ်ချို့တွေကလည်း ဒီလောကလေးကို ကျောခိုင်းသွားကြတာ မနည်းတော့ပါဘူး။ ဒါပေမယ့် ကျွန်တော်ကတော့ ဒီလောကလေးထဲမှာပဲ ကျေနပ်ရောင့်ရဲနေဆဲ။ ပျော်ပိုက်နေဆဲပါပဲ။ သင်တန်းမှာတုန်းက ဆရာတွေပြောခဲ့ဘူးတဲ့ မိသားစုတစ်စုချောင်လည်ဖို့တင်မကပဲ နိုင်ငံနဲ့လူမျိုးကိုပါ ကိုယ်စားပြုရတဲ့ အလုပ်တစ်ခုဆိုတာကို နားထဲမှာ ပဲ့တင်ထပ်နေဆဲ၊ ဂုဏ်ယူလို့ကောင်းနေဆဲ။
လေးနှစ်ဆိုတဲ့ ကာလတစ်ခုက သိပ်မကြာလှပေမယ့် ကျွန်တော်ဖြတ်သန်းခဲ့ရတာတွေကတော့ ဒီလေးနှစ်ဆိုတဲ့ကာလအတွင်းမှာတင် ဆူးကြုံနိမ့်မြင့်တွေက တစ်ပုံတစ်ပင်နဲ့။
လွန်ခဲ့တဲ့လေးနှစ်ဆိုတာကို နောက်ပြန်လှည့်ကြည့်ရင်း ကျွန်တော်ဒီလောကလေးထဲ စ၀င်ဝင်ချင်း အင်တာဗျုးတစ်ခုမှာ နိုင်ငံခြားသား မန်နေဂျာတစ်ယောက် မေးခဲ့ဘူးတဲ့ မေးခွန်းလေးပြန်သတိရမိတယ်။ မင်းနောက်ဆယ်နှစ်ကြာရင်ရော ဒီလောကထဲမှာ ဆက်ရှိနေအုံးမှာလား တဲ့။ ဆက်ရှိနေအုံးမယ်ဆိုရင်ရော ဘယ်လိုနေရာမျိုးကို မင်းရောက်နေလောက်မယ်လို့ ထင်လဲ တဲ့။ ဒီမေးခွန်းလေးပြန်စဉ်းစားရင်း ကျွန်တော်နောက်ထပ်လက်ချိုးရေကြည့်မိတယ်။ အခုလေးနှစ်၊ နောက်ခြောက်နှစ်ဆိုရင်….။
ကျွန်တော်ပြုံးမိတယ်။ တစ်ခုခုကိုတွေးမိလို့ ပြုံးမိတဲ့အပြုံး။ ကျွန်တော့်အပြုံးတွေထဲမှာ ကန္တာရတစ်ခုကို ဖြတ်သန်းလာရလို့ မောပန်းတဲ့အမောတွေလည်း ပါကောင်းပါမယ်၊ ဒီကန္တာရထဲမှာပဲ အိုအေစစ်တွေမှာ နားခိုခွင့်ရခဲ့တာတွေလည်းပါကောင်းပါမယ်။ ဘာပဲဖြစ်ဖြစ်ပါ တစ်နေ့ကျရင်တော့ ကျွန်တော်ရော၊ ကျွန်တော်ချစ်တဲ့ဒီအသိုက်အ၀န်းလေးရော၊ ကျွန်တော်မွေးဖွားရာ ဒီအမိနိုင်ငံကြီးမှာရော အခုလက်ရှိကျွန်တော်တို့ကြုံတွေ့နေရတဲ့ ကန္တာရခရီးတစ်ခုကနေလွန်မြောက်နိုင်လိမ့်မယ်လို့ ကျွန်တော်အိပ်မက်တစ်ခု ထပ်မက်ကြည့်မိတယ်။ ဒီတစ်ခါမက်တဲ့အိပ်မက်ကတော့ ဟိုးတစ်ချိန်တုန်းကလို သီအိုရီတွေ၊ စာအုပ်ပုံတွေကြားကနေ မှန်းဆပြီးမက်ခဲ့ဘူးတဲ့ ကန်ရိပ်သာမဟုတ်တော့၊ အခုကျွန်တော်ရောက်နေတာက လက်တွေ့ဘ၀ထဲက အင်းလျား…။

မျိုးဇော် (၀၈.၁၁.၀၉)


(ကျွန်တော် အသက်မွေးဝမ်းကျောင်းပြုရာနေရာလေးကို ရောက်တာ လေးနှစ်ပြည့် အမှတ်တရအနေနဲ့ရော။ ဒီလောကလေးထဲမှာ ရပ်တည်နိုင်ဖို့ ပညာတွေသင်ပေးခဲ့တဲ့ ကျောင်းကြီးကိုရော၊ ဆရာ ဆရာမတွေရဲ့ ကျေးဇူးကိုဆပ်တဲ့အနေနဲ့ရော၊ ကျောင်းတုန်းက သူငယ်ချင်းတွေကို သတိရတဲ့စိတ်နဲ့ရော ဒီစာလေးရေးဖြစ်သွားပါတယ်။ ပိုပြီးအမှတ်တရလေးဖြစ်အောင် သရုပ်ဖော်ပုံကိုလည်း ကျွန်တော်ကိုယ်တိုင်ပဲ illustration ဆွဲလိုက်တယ်။ စဆွဲခါစကတော့ လမ်းကြီးပေါ်မှာ ထီးလေးဆောင်းထားတဲ့ကောင်မလေးတစ်ယောက်နဲ့ ကျောပိုးအိပ်လွယ်ထားတဲ့ကောင်လေးတစ်ယောက် ဘေးနားကအဆောက်အအုံကြီးကို ငေးကြည့်နေတဲ့ပုံလေးပါ ပါပါတယ်။ ဒါပေမယ့် စာထဲကအကြောင်းအရာတွေနဲ့ ဘာမှမဆိုင်တာနဲ့ ဖြုတ်ပစ်လိုက်ရတယ်။)

မြှားတစ်စင်းကို ချည်တဲ့ကြိူး

လေးညှို့က မြှားတစ်စင်းကို လေထဲကိုပစ်မခွင်းခင်မှာပြောတယ် “သင်ရဲ့ လွတ်မြှောက်ခြင်းသည် ကျွန်ုပ်၏လွတ်မြောက်ခြင်းလည်း ဖြစ်ပေသည်” တဲ့။

ဒီစာကြောင်းလေးဖတ်ပြီး ငယ်ငယ်တုန်းက ကျွန်တော်ကစားခဲ့ဘူးတဲ့ ကစားစရာ “လေးနဲ့မြှား” ကို သွားသတိရမိတယ်။ အမေက ကျွန်တော်ကစားရင်း မြှားတံလေးပျောက်သွားမှာ စိုးလို့ ဆိုပြီး မြှားတံနဲ့လေးကို ကြိုးလေးတစ်ချောင်းနဲ့ ချည်ထားပေးတယ်။ လေးညှို့ကနေ မြှားတံလေးကို ဘယ်လောက်ပစ်ပစ် အမေချည်ပေးထားတဲ့ ကြိုးအချည်တစ်ခုထက် အဝေးကို ပိုမသွားနိုင်ဘူးပေါ့။

အခုတော့ အမေချည်ပေးစရာ မလိုပဲ ကြိုးလေးတစ်ချောင်ချည်လိုက်မိတယ်။ ဒါပေမယ့်အမေ ကစားစရာလေးပေါ်မှာ ချည်ပေးခဲ့ဘူးတဲ့ ရိုးရိုးကြိူးတစ်ချောင်းတော့ မဟုတ်ပါဘူး။ ဘယ်လိုလို ဖြတ်ဖြတ်၊ ဖြတ်ရတာတော်တော်ခက်တဲ့ သံယောဇဉ်ကြိုး တစ်ချောင်းပေါ့။ ဒီအကြောင်းတွေသာ အမေသိခဲ့ရင်…။
မျိုးဇော် (၀၆.၁၁.၀၉)

ရွက်ကြွေဆောင်း

ဆောင်းရေ….။
နင့်ကိုငါမျှော်နေခဲ့တာကြာလှပါပြီ။ မိုးရာသီကြီး ပြီးတော့မယ်ဆိုကတည်းက နင်နဲ့တွေ့ရတော့မယ် ဆိုတဲ့အသိတစ်ခုနဲ့ ငါပျော်ခဲ့ရတယ် ဆောင်း။
မနက်စောစောထခဲ့ရတဲ့ မနက်ခင်းတွေမှာလည်း အိမ်ရှေ့မှာ နင်ရဲ့အငွေ့အသက်တွေများ ကြိုရောက်နေပြီလားလို့ အခါအခါရှုရှုိုက်ကြည့်ခဲ့ရတာလည်း ကြာခဲ့ပြီဆောင်း။
ဆောင်းရဲ့ငွေ့အသက်တစ်ခုဖြစ်တဲ့ မြုခိုးတွေ ခုချိန်ထိဘာလို့မဝေနိူင်သေးတာလည်း ဆောင်း။
ဆောင်းရာသီတစ်ခုရဲ့ လွမ်းဆွတ်စရာကောင်းတဲ့ အေးမြမှုတွေနဲ့ ငါဝေးခဲ့ရတာလည်း ကြာခဲ့ပြီဆောင်း။
နွေတွေ၊ မိုးတွေအခါခါရောက်တိုင်း သူတို့တာဝန်သူတို့ကျေခဲ့ပေမယ့် မင်းရဲ့အလှည့်ဆောင်းရောက်ရင်တော့ ဘာလို့အရင်တုန်းကလို မအေးမြရတော့တာလည်း ဆောင်း။
နင့်ရဲ့ အေးမြမှုဆိုတာတွေကို ငါကများဖျက်ဆီးခဲ့မိတာလားလို့လည်း အကြိမ်ကြိမ် ယူကြုံးမရဖြစ်ခဲ့ရတယ် ဆောင်း။
တစ်ချိန်ကနင် ငါ့အတွက်ပေးခဲ့ဖူးတဲ့ အေးမြမှုတွေကို ငါလစ်လျှူရှုခဲ့လို့ အခုလိုအရင်လောက် မအေးမြတော့တာလား ဆောင်း။
ဆောင်းရာသီရဲ့ နေ့လည်ခင်းတစ်ခုအောက်က ငါ့ရဲ့ဆုံးဖြတ်မှုတစ်ခုကြောင့် နင်အရည်ပျော်သွားခဲ့ရတာလား ဆောင်း။
ဘာပဲပြောပြောပါ ဆောင်းရောက်တိုင်း ငါကတော့ မြုခိုးတွေရဲ့ကြားမှာ နင်ပြုံးခဲ့တဲ့ အပြုံးတွေကို ပြန်ရှာကြည့်နေမိတယ် ဆောင်း။ ဆောင်းရဲ့ဆည်းလည်းတစ်ခုဖြစ်ခဲ့ဖူးတဲ့ ငါတို့ရဲ့ ရယ်သံလေးတွေကိုလည်း နားထဲမှာ ပြန်ကြားယောင်မိတယ် ဆောင်း။ နင်သာ ဒီစာလေးကို ဖတ်မိရင် နင်မှတ်ထင်ထားခဲ့တဲ့ ငါရဲ့မိုက်မဲ့မှုတွေကို ခွင့်လွှတ်မှာလား ဆောင်း။
ဒါမှမဟုတ် နင်ငါ့ကိုပေးဆပ်ခဲ့ဖူးသလိုပဲ ငါလည်း ငါအရမ်းချစ်တဲ့ကောင်မလေးတစ်ယောက်ကို နင့်လိုပဲပေးဆပ်နေရတယ်ဆိုတာ နင်သိရင် နင်ဘာလုပ်မှာလည်းဆောင်း။ နင်ဟားတိုက်ပြီးရယ်မှာလား၊ ဒါမှမဟုတ် မဲ့ပြုံးလေး ပြုံးရုံးပဲလား၊ ဒါမှမဟုတ် ငါ့အတွက်နဲ့ နင်ငိုမှာလား၊ ဒါမှမဟုတ် ……။
ဘာပဲဖြစ်ဖြစ်ပါ ဥတုသုံးလီလည်ပတ်နေတဲ့ ငါရင်ထဲမှာ ဆောင်းဆိုတဲ့နင့်အတွက် နေရာတစ်နေရာ ချန်ထားခဲ့ဖူးတယ် ဆိုတာနင်သိခဲ့ရင်ရော ဆောင်း။

မျိုးဇော် (၁၈.၁၀.၀၉)

ဆောင်းလက်ဆောင်

ခါးသီးလှတဲ့ဆောင်းရာသီတစ်ခုမှာပေါ့။ ဘ၀မှာတစ်ခါမှမကြုံဖူးခဲ့တဲ့ ခါးသီးလှတဲ့ဒဏ်ရာဒဏ်ချက်တွေကို ထွေးပိုက်ရင်း ကျွန်တော် အေးမြတဲ့ဆောင်းရာသီရဲ့ညနေခင်းတွေကို အထီးကျန်ဆန်စွာ အဖော်လုပ်ခဲ့ဖူးပါတယ်။ ဆောင်းရာသီရဲ့ညနေခင်းတိုင်းလိုလိုမှာ ကျွန်တော်နေထိုင်တဲ့ ကမာရွတ်အိမ်ကနေ ရန်ကုန်-အင်းစိန်ကားလမ်းမကြီးအတိုင်းလျှောက်သွားရင်း ခါးသီးလှတဲ့ဘ၀အတွေ့အကြုံတွေကို ဖြေဖျောက်ကြည့်ခဲ့ဖူးတယ်။ လက်ရှိဘ၀တစ်ခုလုံးကိုမေ့ထားလို့ ကားလမ်းမကြီးအတိုင်း မရပ်မနားလျှောက်သွားရင်းနဲ့ ဘတ်စ်ကားမှတ်တိုင်တွေအများကြီးကို ဖြတ်ကျော်ခဲ့ရဖူးတယ်။

ဒါပေမယ့်လေ….ဆောင်းရာသီတိုင်းလိုလိုမှာ ကျွန်တော်ကိုကံကောင်းခြင်းတွေအမြဲတမ်း ယူဆောင်လာပေးတတ်ပါတယ်။ မပီမပြင်ဝိုးတစ်ဝါးနိုင်လှတဲ့ ကျွန်တော်ဘ၀လေးထဲကို နှင်းမှုန် မြုခိုးတွေနဲ့ဝိုးတစ်ဝါးနိုင်လှတဲ့ ဘ၀တူဆောင်းက ကျွန်တော့်ကို အိပ်မက်တစ်ခုကို လက်ဆောင်အဖြစ်ပေးခဲ့တယ်။

အဲဒီအချိန်ကစလို့ ကျွန်တော်ညနေခင်းတိုင်းလျှောက်ခဲ့ဘူးတဲ့ လမ်းမတွေပေါ်က ခြေလှမ်းတွေကို ရုပ်သိမ်းရင်း ညနေခင်းတိုင်းလိုလိုမှာ ကွန်ပျုတာရှေ့မှာထိုင်ရင်း keyboard ပေါ်မှာ ကျွန်တော့်ရဲ့ လက်ချောင်းတွေပြေးလွှားစေခဲ့ပါတယ်။ တုန်ရီမောဟိုက်နေတဲ့ ရင်ခွင်အစုံမှာ ကျွန်တော်ရဲ့နှလုံးသားတစ်စုံက ပျော်ရွှင်မြုးတူးနေခဲ့တယ်လို့ ကျွန်တော်ထင်တယ်။ ဒီလိုနဲ့ပဲ ကျွန်တော်ဟာ ဆောင်းကပေးတဲ့ ဆောင်းအိပ်မက်တွေကို ထွေးပိုက်ရင်း နွေးထွေးမှုတစ်ခုကို ရခဲ့ပါတယ်။ အဲဒီနွေးထွေးမှုတွေကို အသက်ထက်ဆုံးထိသိမ်းပိုက်ထားဖို့ကိုလည်း စိတ်ကူးယဉ်ကြည့်ခဲ့ဘူးတယ်။ ဒီလိုနဲ့ပဲ ကျွန်တော်ဟာ မပီဝိုးတစ်ဝါးနိုင်လှတဲ့ ဆောင်းအိပ်မက်တွေကိုမက်ရင်းနဲ့ပဲ နွေရာသီတစ်ခုကို ရောက်မှန်းမသိရောက်ခဲ့ရတယ်။

အော်…ဘာလိုလိုနောက်ထပ်ဆောင်းတစ်ခုတောင်ရောက်လာတော့မယ်။ ဒီတစ်ခါဆောင်းရောက်ရင် မနှစ်ကသူလက်ဆောင်ပေးခဲ့ဘူးတဲ့အိပ်မက်လေး နွေရာသီမှာ အရည်တွေပျော်သွားတဲ့ အကြောင်းပြောပြရအုံးမယ်။

မျိုးဇော် (၂၁.၀၉.၀၉)

ဆောင်းအလွမ်း

ရန်ကုန်မှာ ဒီနှစ်နွေက အရမ်းကိုပူခဲ့တယ်။ မိုးရာသီကျတော့လည်း လမ်းတွေမှာ ရေတွေလျှံလောက်အောင်ကို မိုးမင်းကြီးက အငြိုးကြီးခဲ့လေရဲ့။ ဆောင်းရောက်ရင်ရော…။ ဟိုးအရင် ကျွန်တော်ငယ်ငယ်တုန်းကလိုပဲ နှင်းတွေဝေနေအောင် ကျအုံးမှာလား။ တကယ်လို့သာ… နှင်းတွေဝေနေအောင်ကျခဲ့မယ်ဆိုရင် အဲဒီ့နှင်းပွင့်တွေရဲ့ကြားမှာ နှင်းတွေနဲ့အပြိုင် ဖြုဖွေးသန့်စင်ခဲ့ဖူးတဲ့ ကျွန်တော့် ငယ်ဘ၀လေးကို ပြန်ရှာကြည့်ချင်မိတယ်။ အခုတော့ အရင်လောက်မအေးမြတော့တဲ့ ဆောင်းရာသီမှာ မလိုအပ်ပဲ အအေးဓာတ်ကိုကာကွယ်ဖို့ဆိုပြီး ဟန်ဆောင်ဖိုထားရတဲ့ ထင်မီးဖိုတွေရဲ့ကြား ကျွန်တော်ဘ၀လေးက မှုန်မှိုင်းလို့နေလေရဲ့…။

မျိုးဇော် (၁၆.၀၉.၀၉)

ဌက်တစ်ကောင်ရဲ့ တမ်းချင်း

ငါဟာဌက်တစ်ကောင်ဆိုရင်…။
မီးတစ်မျှပူပြင်းတဲ့ နွေနေပူကို
ကျောပေးလို့ ပျံသန်းခဲ့ရဖူးတယ်။
ပူပြင်းလှတဲ့ နွေလေရူးတွေရဲ့ကြား
အေးမြတဲ့ သစ်ရိပ်တွေရဲ့အောက်
အကိုင်းအခက်လေးတွေကြားက
အသိုက်အမြုံလေးတွေကို စိတ်ကူးယဉ်ကြည့်ခဲ့ဖူးတယ်။
ဒါပေမယ့် “နေမြင့်လေ အရူးရင့်လေ” ဆိုတဲ့
စကားတစ်ခွန်းက ငါ့စိတ်ကူးတွေကို
လှောင်ပြောင်ရယ်မောခဲ့တယ်။

စူးရှကြမ်းတမ်းတဲ့ မိုးရေစက်တွေကြား
မိုးဒဏ်လေဒဏ်ကို အန်တုရင်း
အတောင်ပံကို စုံဖြန့်လို့ ပျံခဲ့ရဖူးတယ်။
လေပြင်းမုန်တိုင်းတွေကြား
တစ်သက်တာနားခိုဖို့ အသိုက်အမြုံလေးတစ်ခုကို
ကိုယ်တိုင်ဖန်တီးခဲ့ဖူးတယ်။
ဒါပေမယ့် “လေထဲတိုက်အိမ်ဆောက်တယ်”ဆိုတဲ့
စကားတစ်ခွန်းက ငါ့ဘ၀လေးကို ချေမွသွားခဲ့တယ်။

အေးမြချမ်းစိတ်တဲ့ ဆောင်းညတွေကြား
ကိုယ်ပိုင်အသိုက်အမြုံလေးတစ်ခုကို
အိပ်မက် မက်ကြည့်ခဲ့ဖူးတယ်။
ဒါပေမယ့် “ဆောင်းတွင်းအိပ်မက် ဂရောက်ဂရက်”
ဆိုတဲ့ စကားတစ်ခွန်းက ငါ့အိပ်မက်တွေကို
နင်းချေသွားတာခံလိုက်ရတယ်။

တကယ်လို့များ လိုတရတောင်းဆုတစ်ခုသာ
တောင်းဆိုခွင့်ရခဲ့မယ်ဆိုရင် …။
မရပ်မနားပျံသန်းနေရတဲ့
ငါ့အတောင်ပံတွေ မခံနိုင်လွန်းလို့
မီးတောက်မီးလျှံတွေနဲ့ လောင်ကျွမ်းခဲ့မယ်ဆိုရင်
ကောင်းကင်ကြီးမှာ အမြဲတမ်းထွန်းလင်းခွင့်ရမယ့်
ကြယ်လေးတစ်ပွင့် ဖြစ်ပါရစေ…။

မျိုးဇော်(၀၂.၀၉.၀၉)

အုတ်ကြားမြက်ပေါက်

ဒီစကားလေးကတော့ လူတိုင်းလိုလိုကြားဖူးပြီးသားဖြစ်ကြမှာပါ။ လူတစ်ယောက်ကို “အိမ်ခြေရာခြေမရှိပဲ
လမ်းဘေးစရိုက်ဆန်တဲ့လူတစ်ယောက်”လို့ ခိုင်းနှိုင်းပြောဆိုလိုတဲ့ အခါမှာပြောဆိုတာလို့ လူအတော်တော်များများကတော့ နားလည်ထားကြပါတယ်။ မှန်ပါတယ် ဒါပေမယ့် ကျွန်တော်ကတော့ ဒီအယူအဆတွေ လွဲနေတယ်လို့ ထင်ပါတယ်။ တကယ့်တကယ်ပြန်စဉ်းစားကြည့်မယ်ဆိုရင် အုတ်ကြားထဲမှာရှင်သန်ရတဲ့ မြက်ပင်တစ်ပင်ဟာ တစ်ခြားမြက်ပင်တွေလို မြေဆီမြေလွှာပေါများတဲ့ နေရာတစ်ခုမှာပေါက်ဖွားရှင်သန်ရတာမျိုးမဟုတ်ပဲ ပုံမှန်မဟုတ်တဲ့ အကျပ်အတည်းအခြေအနေတစ်ခုကနေ တစ်ခြားမြက်ပင်တွေလိုပဲ မြက်ပင်တစ်ပင်ဖြစ်လာအောင်ပေါက်ဖွားရှင်သန်လာနိုင်တယ် ဆိုတာကိုက သူရဲ့အစွမ်းသတ္တိတစ်ခုပါပဲ။ မြေဆီမြေလွှာရှားပါတဲ့ အခြေအနေတစ်ခုမှာ သူရရှိထားတဲ့ မြေဆီမြေလွှာအနည်းငယ်နဲ့ ရောင့်ရဲတင်းတိမ်ပြီး အုတ်တွေကနေတစ်ဆင့်ရေဓာတ်ကို ရယူပြီး ပေါက်ဖွားရှင်သန်လာနိုင်တယ်ဆိုတာကိုက သဘာဝတရားရဲ့ဆန်းကြယ်မှုတစ်ခုပါပဲ။ ဒီလိုပါပဲ ကျွန်တော်တို့လိုလူသားတွေမှာလဲ နေ့စဉ်ဖြစ်ပေါ်ရင်ဆိုင်နေရတဲ့ အကျပ်အတည်းတစ်ချို့၊ အခြေအနေတစ်ချို့ကြောင့် ကံဇာတ်ဆရာကို အပြစ်ပုံချပြီး စိတ်ပျက်အားငယ်နေမယ့်အစား ရရှိထားတဲ့ အခြေအနေတစ်ခုကနေ ကိုယ်လုပ်နိုင်တဲ့ အကောင်းဆုံးဆိုတဲ့အရာတွေကို လုပ်ကိုင်ရင် အုတ်ကြားမြက်ပေါက်နိုင်တာကို ဥပမာပြုရင်း ပုဂ္ဂုလိကအကျိုး၊ ပရဟိတအကျိုးကို လုပ်ဆောင်နိုင်ကြပါစေလို့….။
မျိုးဇော် (၁၇.၀၈.၀၉)

နှလုံးသား ပုဒ်မ(၂၈)

ကောင်မလေးရေ….
ဒီနေ့ရာသီဥတုကတော်တော်လေး သာယာတယ်နော်။ အရင်နေ့တွေကဆို မိုးရာသီရဲ့ တိမ်မည်းမည်းတွေ၊ မိ်ုးသီးမိုးပေါက်တွေ…၊ လမ်းတွေပေါ်မှာ ရွှံ့တွေဗွက်တွေနဲ့ ပြည့်နှက်နေခဲ့တာ…။ ဒီနေ့တော့အဲဒီအရာတွေပျောက်လို့ ရာသီဥတုက ခြောက်ခြောက်သွေ့သွေ့နဲ့ ပျော်စရာလေးနော်။ ကောင်းကင်မှာတော့ မိုးရာသီရဲ့ညွှတ်ကွင်းထဲက မလွတ်နိုင်သေးတဲ့ မိုးတိမ်ဖြုကြီးတွေက ကြီးစိုးနေလေရဲ့။ ငါလည်းမိုးရာသီရဲ့ လေပြေနုတွေကြားမှာ တစ်ယောက်တည်း လမ်းတွေပေါ်မှာလျှောက်ရင်း မင်းအရမ်းသွားချင်ခဲ့တဲ့ နေရာလေးတစ်ခုဘက်ကို ခြေဦးလှည့်ခဲ့မိတယ်။ တကယ်လို့များ အခွင့်အရေးတစ်ခုသာရခဲ့မယ်ဆိုရင် ငါတို့နှစ်ယောက်သွားဖို့ အကြိမ်ကြိမ် ကြိုးစားခဲ့ဖူးတဲ့နေရာလေးတစ်ခုကို မင်းလက်ကလေးကိုဆွဲပြီး လိုက်ပို့ချင်မိတယ်။ ဒါပေမယ့်လေ ငါ… ဂျွန်ယက်တောလို ဒုက္ခရောက်မှာတော့ကြောက်မိတယ်။
မျိုးဇော် (၁၅.၀၈.၀၉)

( ယင်းဖော်ပြပါ စာစုပါ “ဂျွန်ယက်တောလို ဒုက္ခရောက်မှာတော့” ဆိုသည့် အသုံးအနှုန်းမှာ သူတစ်ပါးအိမ်သို့ အခွင့်မရှိပဲဝင်ခဲ့မိ၍ ဧည့်သည်ရော၊ ဧည့်ရှင်ပါ ဒုက္ခရောက်ရပုံကို ခိုင်းနိုင်းလိုခြင်းသာ ဖြစ်ပါသည်။ မည့်သည့် နိုင်ငံရေးနှင့်ပတ်သက်သည့် ရည်ရွယ်ချက်၊ ဖော်ပြလိုခြင်းများ မပါရှိပါကြောင်း အသိပေးအပ်ပါသည်။)

စူးစမ်းမှုရဲ့တန်ဖိုးနဲ့ ပြောင်းလည်းခြင်းရဲ့ ရလာဒ်

အခုကျွန်တော်ပြောပြမယ့် ဇာတ်လမ်းလေးက အမေရိကန်ပြည်ထောင်စုမှာ ၁၈၄၈ခုနှစ်တုန်းက ဖြစ်ပွားခဲ့တဲ့ ဖြစ်ရပ်မှန်ဇာတ်လမ်းလေးပါ။ အမေရိကန်ပြည်ထောင်စုရဲ့ သမိုင်းဝင်မှတ်တိုင်တစ်ခုဖြစ်တဲ့ Gold Rush သမိုင်းကြောင်းကြီးနဲ့လည်း ပတ်သက်ပါတယ်။
တစ်နေ့မှာပေါ့ မာရှယ်လ်လို့ အမည်ရတဲ့ အလုပ်သမားတစ်ဦးဟာ မြစ်ကမ်းနံဘေးမှာ ထိုင်နေရင်း ရေဒလက်တွေကို စိုက်ကြည့်နေမိပါတယ်။ သူဟာ ကာလီဖိုနီးယားပြည်နယ် အတွင်းမှာရှိတဲ့ Coloma ဆိုတဲ့ကျေးရွာလေးက အလုပ်သမားတစ်ဦးပါ။ သူလုပ်တဲ့အလုပ်ရုံမှာ ဂျုံတွေကိုကြိတ်ခွဲတဲ့အခါ ရေအားသုံးဒလက်တွေတတ်ဆင်အသုံးပြုပြီး အဲဒီရေဒလက်တွေမှာ ချောင်းထဲက သဲတွေ၊ နှုံးတွေလာကပ်တဲ့အခါမှာသူကတာဝန်ယူပြီး အဲဒီသဲတွေကို ဖယ်ထုတ်ပေးရပါတယ်။ တစ်နေ့ မာရှယ်လ်ဟာ ဒီလိုပဲ ချောင်းနံဘေးမှာထိုင်နေရင်း ဒလက်မှာကပ်နေတဲ့ သဲတွေကိုသွားသတိထားလိုက်မိပါတယ်။ သူဟာနေ့စဉ်နေ့တိုင်း ဒီသဲတွေ၊ နှုံးတွေကို ဖယ်ရှားနေရသူဖြစ်ပေမယ့် ဒီတစ်ခါတော့ ဟိုဟိုဒီဒီစဉ်းစားရင်း ဒီသဲတွေ နှုံးတွေကို သေချာဂရုစိုက်ကြည့်လိုက်မိပါတယ်။ ဒီသဲတွေဟာ တစ်ခြားအရပ်ကသဲတွေနဲ့ မတူပဲ လေးလံနေတာကြောင့်ရယ်၊ တောက်တောက်ပြောင်ပြောင် အရောင်တွေရှိနေတာရယ်ကြောင့် စူးစမ်းခြင်စိတ်နဲ့ တစ်ချို့ကို သူ့ရဲ့အိမ်ကိုယူသွားပြီး ခွက်တစ်ခုထဲထည့်ပြီး အပူပေးကြည့်မိပါတယ်။ ဒီလိုနဲ့ ခွက်ထဲမှာရှိတဲ့ သဲတွေဟာ မာကျောလာပြီး တောက်ပြောင်တဲ့အဆင်းရှိတဲ့ ရွှေစင်ရွှေသားကိုရရှိတော့တာပါပဲ။ တစ်နည်းပြောရရင် သူဟာအမေရိကန်တိုက်ကို သမိုင်းဝင်အပြောင်းအလည်းဖြစ်စေမယ့် အကြီးဆုံးရွှေတွင်းကြီးကို အမှတ်တမဲ့ကနေ ရှာဖွေတွေ့ရှိခဲ့တာပါ။ ဒီအဖြစ်အပျက်လေး မဖြစ်ပွားခင်မှာ ကာလီဖိုးနီးယားဒေသဟာ ယခုခေတ်ကျွန်တော်တို့ တွေ့မြင်နေရသလိုမျိုး မြို့ကြီးပြကြီးတစ်ခုမဟုတ်ပဲ လူသူအရောက်အပေါက်နည်းတဲ့ ကျေးတောရွာလေးတစ်ခုပါ။ ဒါပေမယ့် မာရှယ်လ်ရဲ့ ရွှေရှာဖွေတွေ့ရှိတယ်ဆိုတဲ့ သတင်းပေါက်ကြားသွားပြီးတဲ့အချိန်မှာ တစ်နိုင်ငံလုံးမှာရှိတဲ့ လူတွေဟာ ဒီလူသူအရောက်အပေါက်နည်းတဲ့ ကာလီဖိုးနီးယားဒေသကို နေ့ချင်းညချင်း ပြောင်းရွှေ့ရောက်ရှိလာကြပြီး လူဦးရေထူထပ်တဲ့၊ ဥစ္စာဓနပေါကြွယ်ဝတဲ့ မြို့ကြီးအဖြစ်ကို ပြောင်းလည်းခဲ့တာပါပဲ။ ဒီဖြစ်ရပ်မှာဆိုရင် မာရှယ်ဟာ သူနေ့စဉ်လုပ်နေ့ရတဲ့ အလုပ်တစ်ခုဖြစ်ပေမယ့် အဲဒီမှာ ရှိတဲ့အခြေအနေတစ်ခုကို သုံးသပ်ပြီး အခုလိုမျိုးရွှေတွင်းကြီးကို ရှာဖွေတွေ့ရှိခဲ့တာပဲဖြစ်ပါတယ်။ ဒါပေမယ့် သူဟာဒီရွှေတွင်းကိုရှာဖွေတွေ့ရှိခဲတာကြောင့် ချမ်းသာမလာပဲ မွဲပြာကျခဲ့ရပါတယ်။ ဘာကြောင့်ပါလည်း။ သူဟာဒီရွှေတွေကို ရှာဖွေတွေ့ရှိခါစမှာ သူ့အလုပ်ရှင်တစ်ယောက်တည်းကိုပဲ ဖွင့်ပြောပြခြဲ့ပီး လျှို့ဝှက်ခဲ့ပါသေးတယ်။ ဒါပေမယ့် တစ်နေ့မှာပဲ ဒီသတင်းဟာအပြင်ကိုပေါက်ကြားသွားပြီး နေ့ချင်းညချင်း ရွှေရှာမယ့်သူတွေဟာ သူတို့ဒေသကိုရောက်လာကြပြီး နောက်ဆုံးမှာသူတို့ရဲ့ လယ်တွေ၊ မြေတွေကို စွန့်ခွာထွက်ပြေးရတဲ့ အထိဖြစ်ခဲ့ရပါတော့တယ်။
နောက်ထပ်အဖြစ်အပျက်တစ်ခု ကျန်ပါသေးတယ်။ အဲဒီဒေသမှာပဲ ရွှေတွင်းတူးသမားတွေရောက်လာကြပြီးနောက်မှာ Levi’s လို့အမည်ရတဲ့ အထည်အလိပ်တွေ အရောင်းအ၀ယ်လုပ်တဲ့ ကုမ္ပဏီတစ်ခုရောက်လာခဲ့ပါတယ်။ သူတို့ရဲ့ ရည်ရွယ်ချက်ကတော့ ရွှေတူးဖော်တဲ့ အလုပ်သမားတွေနေဖို့အတွက် ရွက်ဖျင်တဲတွေဆောက်တဲ့အခါမှာ အသုံးပြုဖို့ ရွင်ဖျင်စတွေလာရောင်းတာပါပဲ။ ဒါပေမယ့် သူတို့ရဲ့ရွက်ဖျင်စတွေဟာ အရည်အသွေးမမှီတဲ့အတွက်နောက်ပိုင်းမှာ ဘယ်သူကမှ မ၀ယ်ကြတော့ပါဘူး။ ဒီလိုနဲ့ပဲ သူတို့ရဲ့ ရည်ရွယ်ချက်တွေ ပျက်ဆီးခဲ့ရတယ်ဆိုပါစို့။ ဒါပေမယ့် ဒီရွက်ဖျင်စလာရောင်းတဲ့သူတွေဟာ ဒီနေရာမှာတင် စိတ်ဓာတ်ကျပြီး လှည့်ပြန်မသွားခဲ့ကြပါဘူး။ ဒီဒေသမှာပဲ သူတို့ရဲ့ အရည်အသွေးညံ့တဲ့ ဖျင်စတွေကို ညှပ်ပြီး အဲဒီမှာရှိတဲ့ ရွှေတွင်းတူသမားတွေဝတ်ဖို့ ဘောင်းဘီတွေချုပ်ရောင်းပါတော့တယ်။ ရွှေတွင်းတူးသမားတွေဟာ အေးစိမ့်နေတဲ့ ရာသီဥတုရဲ့အောက်မှာ တစ်နေ့ကုန်မြစ်ချောင်းတွေထဲမှာ အလုပ်လုပ်ကြရတဲ့အတွက် ဒီ Levi’s ကထုတ်ရောင်းတဲ့ ဘောင်းဘီတွေဟာ သူတို့အတွက်တကယ်အသုံးတည့်တဲ့အတွက် Levi's ဘောင်းဘီတွေဟာ အဲဒီဒေသမှာ တကယ့်ကိုရေပန်းစား အောင်မြင်သွားပါတော့တယ်။ ဒီလိုနဲ့ Levi’s ဟာ လုပ်ငန်းတွေချဲ့ထွင်ရင်း နောက်ဆုံးမှာ သူ့ရဲ့ဘောင်းဘီစတွေကို ရွှေတွင်းတူးသမားတွေသာမကပဲ သာမန်အရပ်သားလူတွေဆီကိုပါရောက်ရှိလာပြီး နောက်ပိုင်းမှာ ဖက်ရှင်တစ်ခုအနေနဲ့ လက်ခံလာကြပါတော့တယ်။ ယနေ့ခေတ်မှာဆိုရင် Levi’s ကထုတ်တဲ့ ဂျင်းဖက်ရှင်တွေဟာ ဟောလိဝုဒ်အထိတိုင်ရောက်ရှိပြီး ကမ္ဘာတစ်လွှားမှာ ရေးပန်းစာနေခဲ့ပါပြီ။
နိဂုံးချုပ်အနေနဲ့ပြောရရင် မာရှာယ်ဟာ အသေးအမွှားကိစ္စလေးတစ်ခုကို အမှတ်တမဲ့မနေပဲ စူးစမ်းရှာဖွေခဲ့တယ်။ ဒီလိုနဲ့သူဟာ ပြည်နယ်ကြီးတစ်ခုလုံးကိုကြွယ်ဝစေမယ့် ရွှေတွင်းကြီးကို ထုတ်ဖော်တွေ့ရှိခဲ့ပါတယ်။ ဒါပေမယ့် သူဟာရွှေတွင်းကြီးကို အစပထမရှာဖွေတွေ့ရှိခဲ့သူဆိုပေမယ့် သူဌေးကြီးတစ်ယောက်ဖြစ်မလာခဲ့တဲ့ အပြင် မွှဲပြာကျခဲ့ရပါတယ်။ ဒီရွှေထွက်တဲ့ဒေသကိုပဲရောက်ရှိလာပြီး အရှုံးပေါ်ခဲ့တဲ့ Levi’s ဟာရောက်တဲ့နေရာမှာ ရပ်မနေပဲ ပြုပြင်ပြောင်းလည်းမှုတွေလုပ်ခဲလို့ ကြီးပွားသွားခဲ့ရပါတယ်။
ဒီဇာတ်လမ်းလေးကို ဖတ်ပြီး ဘယ်ကိစ္စကိုမဆို စူးစမ်းဆင်ခြင်မှုတွေ ပြုလုပ်သင့်ပြီး၊ ဆုံးရှုံးမှုတွေနဲ့ ရင်ဆိုင်ရတဲ့ အခါမှာလည်း ဒီအတိုင်းလက်မြှောက်အရှုံးမပေးပဲ ပြုပြင်ပြောင်းလည်းမှုတွေ ပြုလုပ်ပြီး တိုးတက်ကောင်းမွန်တဲ့ ဘ၀တစ်ခုကိုတည်ဆောက်နိုင်တယ်ဆိုတာတွေ့မြင်နိုင်ကြပါစေနော်။
မျိုးဇော် (၁၃.၀၈.၀၉)

( ၀န်ခံချက်။ ။ Wikipedia.com မှ Califonia Gold Rush History နှင့် ဒေါက်တာ ခင်မောင်ညို၏ သိပ္ပံပညာရှင်များ အကြောင်း ကို ကိုကားပါသည်။)

ဓာတ်ပုံ - Wikipedia.com မှရယူပါသည်။

နေ့တစ်နေ့ကို ဖန်ဆင်းခြင်း

အလင်းရောင်ကိုပေးတဲ့ နေ့တစ်နေ့နဲ့ အမှောင်ထုတို့ ကြီးစိုးတဲ့ ညတစ်ညတို့ ပေါင်းစပ်မိတဲ့ အခါ ရက်တစ်ရက်ဆိုတာ ဖြစ်ပေါ်လာရတယ်။ ရက်ဆိုတာကတော့ လူသားတွေကို အသက်ရှင်သန်မှုပေးပြီး ပျော်ရွှင်စရာတွေ၊ ၀မ်းနည်းစရာတွေကို သယ်ဆောင်လာပေးတဲ့ သဘာဝတရားရဲ့ လက်ဆောင်တစ်ခုပါ။ ကျွန်တော်ပြောချင်တာ လောကကြီးမှာ ဆန့်ကျင်ဘက်အရာနှစ်ခုပေါင်းစပ်လို့ မရဘူးလို့ ဆိုနေတဲ့လူတွေကို ကျွန်တော်တို့ဖြတ်သန်းနေကြတဲ့ နေ့ရက်တွေကိုက ဆန့်ကျင်ဘက်အရာ နှစ်ခုပေါင်းစပ်ထားတာပဲလို့ ရှင်းပြချင်တာပါ။
မျိုးဇော်(၂၈.၀၆.၀၉)

အိုင်စတိုင်းသိမသွားခဲ့တဲ့ နှိုင်းရတစ်ပုဒ်

အတန်းတစ်ခုမှာ ဆရာက ကျောင်းသားတွေကို ကျောက်သင်ပုန်းပေါ်မှာ အရွယ်အစားရော ပုံစံပါတူတဲ့ မျဉ်းဖြောင့်နှစ်ကြောင်းကို ဆွဲပြတယ်။ ပြီးတော့ အဲဒီ့မျဉ်းဖြောင့်နှစ်ကြောင်းကို ထပ်ပြီးတော့ ဆက်လည်းမဆွဲ၊ ဒါမှမဟုတ် မူလရှိပြီးသား အရှည်ကို ဖျက်လည်းမပစ်ပဲ၊ ပိုပြီးတော့ တိုလာအောင်၊ ဒါမှမဟုတ် ရှည်လာအောင် ဘယ်သူလုပ်နိုင်လဲလို့ မေးတယ်။ ပထမတော့ အတန်းတစ်ခုလုံး ငြိမ်သွားတယ်။
နောက်တော့ ကောင်လေးတစ်ယောက်က သူလုပ်နိုင်ပါတယ်ဆိုပြီး အတန်းရှေ့ကို ထွက်လာခဲ့တယ်။ ပြီးတော့ ပထမမျဉ်းတစ်ကြောင်းရဲ့ နဘေးမှာ သူ့ထက်ပိုတိုတဲ့ မျဉ်းတစ်ကြောင်းကို ဆွဲလိုက်တယ်။ အဲဒီတော့ ပထမရှိပြီးသား မျဉ်းဟာ ပိုပြီးရှည်သွားတယ်ပေါ့။ နောက်ပြီး ဒုတိယမျဉ်းဖြောင့်ရဲ့ ဘေးမှာတော့ သူထက်ပိုပြီးတော့ ရှည်တဲ့မျဉ်ဖြောင့် တစ်ကြောင်းကို ဆွဲလိုက်တယ်။ အဓိပ္ပာယ်က ရှိပြီးသား မျဉ်းဖြောင့်တစ်ကြောင်းက ပိုတိုသွားတယ်လို့ မြင်ရတယ်လေ။
ဟောဒီဇာတ်လမ်းလေးက ရူပဗေဒပညာရှင်ကြီး အိုင်စတိုင်းရဲ့ relativity theory လို့ခေါ်တဲ့ ကမ္ဘာကျော် နှိုင်းရသီအိုရီကို ဥပမာပြပေးခဲ့တဲ့ ပုံပြင်တစ်ပုဒ်ပါ။
အဲဒီ့ နှိုင်းရသီအိုရီရဲ့ တန်ဖိုးအကြောင်းကို ယုံကြည်လက်ခံတဲ့ ကောင်လေးတစ်ယောက်က သူချစ်တဲ့ကောင်မလေးရဲ့ အသည်းနှလုံး တစ်ခုပေါ်မှာ ရှိနေပြီးသား မျဉ်းကြောင်းတစ်ခုဘေးမှာ သူရဲ့အချစ်တွေကို မျဉ်းဖြောင့်တစ်ကြောင်း အဖြစ်အသက်သွင်းခဲ့ပါတယ်။ သူ့အမြင်မှာတော့ သူဆွဲခဲ့တဲ့ မျဉ်းဟာ ကောင်မလေးရဲ့ နှလုံးသားမှာ အရှည်ဆုံးပေါ့။ ဒါပေမယ့် တကယ့်တကယ်ပြန်ကြည့်လိုက်တော့ သူဆွဲခဲ့တဲ့ မျဉ်းတစ်ကြောင်းက ကောင်မလေးအတွက် အတိုဆုံးဖြစ်နေခဲ့တယ်။
ဒါဆိုရင် နှလုံးသားတစ်ခုထဲက မျဉ်းဖြောင့်တစ်ကြောင်းမှာရော အိုင်းစတိုင်းရဲ့ relativity theory က အကျိုးသက်ရောက်မှု မရှိတော့ဘူးလား။ ဟောဒီ့ အဖြစ်အပျက်ဟာ universal true နီးပါး မှန်ကန်ပါတယ်လို့ အားလုံးက ယုံကြည်လက်ခံထားတဲ့ relativity theory ရဲ့ပျော့ကွက်လား၊ ဒါမှမဟုတ် အဲဒီကောင်လေးဆီက အချစ်တွေရဲ့ ပျော့ကွက်လာဆိုတာတော့ မသိနိုင်တော့ပါဘူး။ ဘာလို့လဲဆိုတော့ အိုင်စတိုင်းကြီး ကွယ်လွန်သွားခဲ့တာ ရာစုနှစ် တစ်ခုတောင် စွန်းခဲ့ပြီ။ ကောင်မလေးလည်း ကောင်လေးရဲ့ နဘေးကနေ ထွက်သွားခဲ့တာ ရက်တွေအတော်ကြာနေခဲ့ပြီလေ...။
မျိုးဇော်(၂၇.၀၆.၀၉)

လွင့်ကြွေသွားသော နှလုံးသားတစ်ခု

ဟိုးတစ်နေ့က မိုးတွေ သည်းသည်းမည်းမည်းရွာတယ်။ ငါ့ရင်ထဲမှာ ထိန့်ထိန့်လန့်လန့်ကို သတိရမိတယ်။ တစ်နေ့က မိုးတွေဖွဲဖွဲလေးပဲ ရွာတော့ ဆွေးမိသလိုလို ခံစားမိပြန်ရော။ ဟော မနေ့က မိုးတွေမရွာဘူး။ ဒီလိုဆိုတော့လည်း ရင်ထဲမှာ တစ်ခုခုပျောက်ဆုံးသွား သလိုခံစားမိပြန်တယ်။ ဒီနေ့ရော ရာသီဥတုအခြေအနေက ဘယ်လိုရှိလဲလို့ သိချင်ဇောနဲ့ ပြတင်းတံခါးကနေ အပြင်ကိုငေးကြည့်လိုက်မိတယ်။ ရုတ်တရက် ကောင်းကင်မှာ လျှပ်စီးအက်ကြောင်းတစ်ခုကို လက်ကနဲ ငါမြင်လိုက်ရတယ်။ ပြီးတော့...........ငါ့ရဲ့ နှလုံးသားတစ်ခုလုံးကို အမှောင်ထုတစ်ခုက ဆွဲခေါ်သွားတာ ခံလိုက်ရတယ်။
မျိုးဇော်(၂၂.၀၆.၀၉)

အထီးကျန် မိုးည

အပြင်မှာ မိုးတွေကတစ်ဖြောက်ဖြောက်နဲ့ ရွာလို့။ ငါကတော့ မှောင်ရိပ်မှည်းမှည်း Lobby ကြီးထဲက မီးရောင်မှိန်မှိန် ကောင်တာအောက်မှာ တစ်ယောက်ထဲထိုင်ရင်း၊ လက်ကနာရီကို ကြည့်လိုက်တော့ သန်းခေါင်ကျော်လို့ (၂)နာရီတောင်ထိုးနေပေါ့။ စံတော်ချိန်ချင်းမတူတဲ့ အွန်လိုင်းပေါ်က friends တွေတောင် off သွားကြပြီ၊ ဘေးနားက ငါ့ရဲ့တစ်ဦးတည်းသော အဖော်ကော်ဖီခွက်ကလည်း အေးလို့၊ ငါနားထောင်နေတဲ့ သီချင်းက ခရီးသွား ငါးယောက်ရဲ့ “မိုးည”၊ အင်း…ငါ့ကိုများ စောင်းဆိုနေကြတာလား…?
မျိုးဇော်(၀၈.၀၆.၀၉)

ကြယ်တစ်ပွင့်ရဲ့ တန်ဖိုး

ပန်းချီ- ဗင်ဆင့်ဗန်ဂိုး ၏ starry night(1889)

နေကွယ်ရင် လောကကြီးကို အလင်းရောင်ပေးဖို့ လထွက်လာစမြဲပါ။ လမသာနိုင်တဲ့ညတွေကျတော့``•.¸¸.•´´ ကြယ်လေးတွေရဲ့ အလင်းရောင်နဲ့ လောကကြီးကို အလှဆင်ပြန်တယ်••´¯``•.¸¸.•´´ အမှန်တော့ ကြယ်ဆိုတာ နေတွေ လတွေ ထွန်းလင်းနေစဉ်ကတည်းက လောကကြီးကို အလင်းရောင်ပေးနေတာပါ•´´¯`••._.• ဒါပေမယ့် နေတွေ လတွေရဲ့ အရှိန်အ၀ါနဲ့ သူ့ကိုဘယ်သူမှ သတိမပြုမိကြဘူးလေ••´¯``အရုဏ်မိုးသောက်လို့ နေအလင်းရောက်ပြန်တော့လည်း ဒီကြယ်လေးတွေ ကိုမေ့သွားကြပြန်ရော``•.¸
မျိုးဇော်(၁၈.၀၅.၀၉)

မိုးကိုအံတု ခဲ့သောမျက်ရည်စက်များ

သြဂုတ်လရဲ့ ပထမဆုံးသော ရက်တစ်ရက်ဖြစ်သည်….။

အဲဒီနေ့တစ်နေ့ ကိုတော့ ကောင်မလေး ရင်ထဲမှာ ဘယ်တော့မှ မေ့ပျောက်နိုင်လိမ့် မည်မဟုတ်ပါ။ ရွာမလိုလို၊ မရွာမလိုလိုနဲ့ ကလူကျီစယ်နေတဲ့ မိုးကောင်းကင်ကြီးရဲ့ အောက်မှာ ကောင်မလေးရဲ့စိတ်တွေ လွပ်လပ်စွာ လွင့်မြောနေခဲ့ပါသည်။ ထိုအချိန်က ကန်တော်ကြီးထဲရှိ ကန်ရေပြင်ကို ဖြတ်ပြီးတိုက်ခတ်လာသော လေနုအေးလေးတွေကို ရှုသွင်းရင်း အတိတ်ကို မေ့လျော့၊ အနာဂတ်ကိုလည်း မတွေးမိပဲ ပစ္စုပန်သည်သာ သူမရဲ့ စိတ်တို့စေစားရာ အရပ်ဖြစ်၍ နေခဲ့ပါသည်။ ထိန်းချုပ်ဆင်ခြင်တတ်သည့် ဦးနှောက်ရဲ့ အသိတရားတွေကို ခဏအနားပေးရင်း လွပ်လပ်ပေါ့ပါးနေတဲ့ စိတ်တစ်ခုကိုသာ ဆုပ်ကိုင်ထားခဲ့ပါသည်။ အဲဒီနေ့က သူမ တံတားရှည်ကြီးတစ်ခုကို အစမှ အဆုံးတိုင်အောင် ကောင်လေးတစ်ယောက်နှင့် အတူလျှောက်ဖြစ်ခဲ့သည်။ အဲဒီ့ခရီးသည် သူတို့နှစ်ယောက်အတွက် ပထမဆုံးနှင့် အရှည်လျားဆုံး ခရီးတစ်ခု ဖြစ်ခဲ့ပါသည်။ ကောင်မလေး၏ ပုံမှန်စိတ် အခြေအနေတစ်ခု အရသာဆိုရင် ဖြစ်လာစရာ လုံးဝမရှိသော ဒီခရီးသည် လှပသော မိုးသက်လေတို့၏ ပံ့ပိုးပေးမှု နှင့်အတူ ဖြစ်ပေါ်လာခဲ့ရပါသည်။ ကာလအတော်ကြာအောင် နှစ်ယောက်လုံးလျှို့ဝှက်လုံခြုံစွာ သိမ်းဆည်းထားနိုင်ခဲ့သော ခံစားမှု အစစ်အမှန်များ အားလုံးကို တူးဖော်အသက်သွင်းစေခဲ့ပါသည်။ “လျှို့ဝှက်စွာ သိမ်းစည်းထားသော ခံစားမှု” ဟု ဘာကြောင့် အမည်တပ်ရသနည်း ဆိုပါလျှင် “ပွင့်လင်းစွာ ထုတ်ဖော်နိုင်ခွင့် မရှိသောကြောင့်” ဟုသာ ဖြေရမည် ထင်ပါသည်။ သက်ဆိုင်သူ ရှိနှင့်နေပြီး ဖြစ်သော ကောင်လေးတစ်ယောက်ဆီက ပိုင်ဆိုင်ခွင့်မရှိတော့မည့် အချစ်တွေအတွက် ကောင်မလေးက သူမရဲ့အချစ်တွေကို အလုံခြုံဆုံး သိမ်းဆည်းလို့ နှစ်ယောက်လုံး ရိုးသွားစွာ နေထိုင်နိုင်ခဲ့ပါသည်။ အဲဒီ့နေ့လေး တစ်နေ့သာ ရှိမလာခဲ့ပါလျှင် အရာအားလုံးသည် ပုံမှန်နေသားတကျ ရှေ့ဆက်သွားမည်သာ ဖြစ်ပါသည်။ သို့သော် အဲဒီနေ့တစ်နေ့ကို သူတို့နှစ်ယောက်လုံး ငြင်းဆိုနိုင်ခွင့် မရှိစွာ ပိုင်ဆိုင်ခဲ့ကြရပါသည်…။

“ဘယ်ကိုမှ၊ ဘယ်သူ့ကိုမှ မကြည့်ပဲ မျက်လုံးကို မှိတ်ပြီး လမ်းလျှောက်ကြည့်ပါလား။ အရမ်းမိုက်တယ်။” ဆိုတဲ့ ကောင်လေးရဲ့ အကြံပြုချက်အတိုင်း မျက်လုံးစုံမှိတ်ရင်း ခပ်ဖြေးဖြေးလေး လျှောက်လှမ်းနေတဲ့ ကောင်မလေးရဲ့ မျက်နှာသည် ကြည်နူးစွာ ပြုံးနေခဲ့ပါသည်။ အဲဒီ့အချိန်မှာပဲ ကောင်မလေးရဲ့ ဘေးကနေလျှောက်လာသော ကောင်လေးရဲ့ ဘယ်ဘက်လက်တစ်ဖက်ဟာ ကောင်မလေးရဲ့ ညာဘက်လက်တစ်ဖက်ကို ရုတ်တရက် ဆုပ်လိုက်လိုက်ပါတော့သည်။ ကောင်မလေးလည်း အံ့သြစိတ်နဲ့အတူ မျက်လုံးတွေကို ဖွင့်လိုက်တော့မယ့် အချိန်မှာပဲ ရုတ်တရက် ကောင်လေးဆီမှ “မျက်လုံးကို မဖွင့်နဲ့။ နင့်လက်တွေကို ငါကိုင်ထားတယ်။ ဘာမှ မဖြစ်စေရပါဘူး။ ဆက်သွား။” ဆိုတဲ့ စကားသံကို ကြားလိုက်ရသည်။ စိတ်ဆိုးဖို့ အရေးယောင်လို့မှ မတွေးခဲ့မိတဲ့ ကောင်မလေးဟာ ကောင်လေးရဲ့ လက်တစ်ဖက်ကို ရုန်းဖယ်ခြင်း မပြုခဲ့ပေမယ့် တစ်စွန်းတစ်စ ကြွင်းကျန်နေသေးတဲ့ ဆင်ခြင်တုံတရားလေး တစ်ခုကြောင့် ပြန်လည်ဆုပ်ကိုင်ခြင်း မပြုခဲ့ရှာပေ။



ကောင်လေးရဲ့နှုတ်က ရုတ်တရက် ထင်မှတ်မထားပဲ “နင့်ကို ငါချစ်တယ်” ဆိုတဲ့ စကားလေးတစ်ခွန်း ကြားလိုက်ရတဲ့ အချိန်မှာ ကောင်မလေးရဲ့ တစ်ကိုယ်လုံးမှာ ရှိတဲ့သွေးကြောတွေ အေးခဲသွားသလို ခံစားလိုက်ရပါသည်။ ဒီအချိန်မှာပဲ ကောင်းကင်ကြီးကလည်း မိုးဖွဲလေးတွေကို စတင်ရွာချနေပြီ ဖြစ်ပါသည်။ တဆတ်ဆတ်တုန်အောင် ချမ်းအေးလာရခြင်းမှာ ထိခတ်လာသော မိုးစက်လေးတွေကြောင်လား၊ ကောင်လေးပြောတဲ့ “ချစ်တယ်” ဆိုတဲ့ စကားတစ်ခွန်း ကြောင့်လား ဆိုတာတော့ ကောင်မလေး မဝေခွဲနိုင်ခဲ့ပါ။ ကောင်လေးနဲ့ ပတ်သက်ပြီး ဘယ်သူနဲ့မှ မတူတဲ့ ခံစားမှုမျိုးတွေ ကောင်လေးအပေါ်မှာရှိနှင့်ခဲ့ပေမယ့် အဲဒီခံစားမှုကို “အချစ်” လို့ အမည်မတပ်ချင်ခဲ့ သလို၊ ကောင်လေးရဲ့ နှုတ်က “ချစ်တယ်” ဆိုတဲ့ စကားတစ်ခွန်း ကိုလည်း လက်မခံရဲခဲ့တဲ့ ကောင်မလေးရဲ့ ရင်ထဲမှာ ဒီအခြေအနေကြီးတစ်ခု နဲ့တွေ့ဆုံလိုက်ရတဲ့ အချိန်မှာ ထိတ်လန့်တုန်လှုပ်လို့နေခဲ့ပါသည်။ ဘယ်လိုမှ ရှေ့ဆက်လို့ မဖြစ်နိုင်တဲ့ အနေအထားတွေကြားမှာ ဘယ်လိုအင်းအားမျိုးတွေနဲ့ သူတို့နှစ်ယောက်ရှေ့ခရီးဆက်ကြမှာလဲ။ ဒီအတွေးခါးခါးကြီးတွေနဲ့ပဲ ကောင်မလေးဟာ ကောင်လေးကို “နင် ငါ့ကိုအထင်သေးတယ်၊ စော်ကားတယ်။” ဆိုတဲ့ စကားတစ်ခွန်းကို ကန်ရေပြင်ကို စိုက်ကြည့်ရင်း ပြောလိုက်မိသည်။ ကောင်မလေးရဲ့ စကားအဆုံးမှာ ကောင်လေးဟာ တင်းမာတဲ့ မျက်နှာထားနဲ့ ငြိမ်သက်သွားခဲ့ပါတယ်။ အမြဲပြုံးနေတတ်တဲ့ ကောင်လေးကို မျက်နှာတစ်ချက် မငြိုးစေချင်တဲ့ ကောင်မလေးအတွက်တော့ ရင်မဆိုင်ချင်တဲ့ အခြေအနေတစ်ခုကို ရင်ဆိုင်နေရတာပါပဲ။

"ငါနင့်ကို ချစ်တဲ့ အချစ်တွေက အခုမှ ဖြစ်လာတာမဟုတ်ဘူး။ ရေကာတာကြီးတစ်ခုလိုပဲ၊ နည်းနည်းချင်း ပြည့်လာပြီး နောက်ဆုံးကျမှ လျှံကျလာတာမျိုးလေ။ အခုဘယ်လိုမှ ဆက်ထိန်းလို့ မရတော့လို့ လျှံကျသွားတာလေ။” လို့ကောင်လေးက ပြန်ပြောလိုက်တဲ့ အခါ ကောင်မလေးမှာ ပြန်ပြောစရာ စကားလုံဝမရှိဖြစ်ခဲ့ရပါတယ်။ “ဒါဆိုနင့်ရဲ့ သက်ဆိုင်သူကရော” လို့ကောင်လေးရဲ့ မျက်နှာကို စိုက်ကြည့်လို့ ကောင်မလေး မေးလိုက်မိပါတယ်။ “ဘာလို့ အဲဒါတွေ လျှောက်တွေးနေရတာလဲ။ ငါလည်း ငါ့ရင်ထဲမှာ ရှိတဲ့ အတိုင်း အခုပြောတယ်။ နင်လည်းနင့်ရင်ထဲမှာ ရှိတဲ့အတိုင်းပြောလေ။ အများကြီး မတွေးပါနဲ့” လို့ အဖြေမဟုတ်တဲ့ စကားတွေကို ကောင်လေးဆီက ကြားလိုက်ရပါတယ်။ အဖြေမဟုတ်ပေမယ့်လည်း အဖြေတစ်ခုထက် ပိုပြီးပြည့်စုံတဲ့ စကားတွေကို ကောင်မလေးကြားလိုက်ရတဲ့ အချိန်မှာ တစ်ခါမှ စိတ်ကူးယဉ်မကြည့်ဘူးခဲ့တဲ့ လှပတဲ့ အနာဂတ်တစ်ခုဟာ ဝေေ၀၀ါးဝါးပေါ်လာသလို ခံစားရပါတယ်။ “ ငါက တစ်ခုခုကို လုပ်ပြီဆိုရင် နောက်ပြန်လှည့်ကြည့်နေမှာ မဟုတ်ဘူး“ ဆိုတဲ့ ကောင်လေးရဲ့ ကတိစကားမဟုတ်တဲ့ တီးတိုးရေရွတ်သံတစ်ခုဟာ ကောင်မလေး အတွက်တော့ အင်အားတွေကို ဖြစ်စေခဲ့ပါတယ်။ အဲဒီနေ့က “ ချစ်ပါတယ် “ ဆိုတဲ့ အဖြေစကားတစ်ခွန်း ကောင်မလေးနှုတ်က လုံးဝမထွက်ခဲ့ပါဘူး။ ဒါပေမယ့်လည်း အပြန်လမ်းမှာ တင်းကျပ်စွာ ပြန်လည်ဆုပ်ကိုင်ထားခဲ့တဲ့ ကောင်မလေးရဲ့ လက်တွေဟာ “ ချစ်တယ်” ဆိုတဲ့ စကားတစ်ခွန်း ထက်ပိုပြီး ခိုင်မာစေခဲ့ပါတယ်။



အဲဒီ့နေ့ရက်လေးကို နှစ်ယောက်အတူ ပိုင်ဆိုင်ခဲ့ပြီး နောက်ပိုင်းမှာ ဘယ်သူတစ်ဦးတစ်ယေက်မှ မသိတဲ့၊ နှစ်ဦးတည်းသာ သိနိုင်သော ချစ်သူများ အဖြစ်ကို မျက်ဝန်းများနှင့်သာ စကားပြောရင်း တိတ်ဆိတ်စွာ ဖြတ်သန်းခဲ့ကြပါတော့တယ်။ ကောင်လေးနဲ့ သူ့သက်ဆိုင်သူအကြောင်း သိထားသော သူငယ်ချင်းများကြားတွင် ကောင်လေးရဲ့ ဂုဏ်သိက္ခာကို ငဲ့ကွက်ထောက်ထားပြီး သူတို့အကြောင်းတွေကို အတတ်နိုင်ဆုံး လျှို့ဝှက်ထားဖို့ ကောင်မလေး ကြိုးစားခဲ့ပါတယ်။ ကောင်မလေးရဲ့ မာန၊ ကောင်လေးရဲ့ ဂုဏ်သိက္ခာတွေသည် သူတို့နှစ်ယောက်ရဲ့ အချစ်တွေထက် ပိုပြီးတန်ဖိုးထားသင့်သည်ဟု ကောင်မလေးက ယုံကြည်ထားခဲ့မိပါသည်။ အဲဒီ့ ယုံကြည်ချက်တွေကြောင့်ပဲ နာကျင်ခံစားခဲ့ရတဲ့ အချိန်များတွင် မျှဝေခံစားမဲ့သူမရှိပဲ တစ်ယောက်တည်း ကြိတ်မှိတ်မြိုသိပ်ရင်း ရူးမတတ်ခံစားခဲ့ရသည်။

ကောင်လေးရဲ့ သက်ဆိုင်သူဆီမှ ဖုန်းလာသော အခါများတွင် ဖုန်းလက်ခံစကားပြောနေသော ကောင်လေးရဲ့မျက်နှာကို ငေးကြည့်ရင်း ရင်ထဲမှာ ဆူးတစ်ချောင်း စိုက်ဝင်နေသလို ခံစားနေရပေမယ့်၊ ကောင်လေး အနေခက်မှာ စိုးတဲ့စိတ်နဲ့ ဟန်ဆောင်အားတင်းပြီး ပြုံးနေခဲ့တဲ့ ကောင်မလေးဟာ ဘ၀မှာ ဟန်ဆောင်ခြင်းဆိုတဲ့ အတတ်ပညာတစ်ခုကို ပထမဆုံး တတ်မြောက်ခဲ့ပါတယ်။ တစ်ခြားသော သူငယ်ချင်းများနဲ့ အတူတကွ ကောင်လေးကို စနောက်ရင်း ပေါ့ပါးစွာ ရယ်နေခဲ့တဲ့ ကောင်မလေးကို ကြည့်နေတဲ့ ကောင်လေးရဲ့ အကြည့်ထဲမှာ “ နင် ငါ့ကို တကယ်ချစ်တာမှ ဟုတ်ရဲ့လား။” လို့မေးနေသလိုပါပဲ။ “အားလုံးမမြင်နိုင်တဲ့ အချိန်ကျမှ မငိုပဲကျလာတဲ့ မျက်ရည်စက်တွေကိုတော့ နင် ဘယ်မြင်နိုင်မှာလဲ ကောင်လေးရယ်” ကောင်မလေးက တွေးနေမိပါတယ်။

ဒီလိုနဲ့ ကောင်လေးနဲ့ ကောင်မလေးတို့ ပိုင်ဆိုင်ခဲ့ဘူးတဲ့ အမှတ်တရ နေ့ရက်လေးကို ဖြတ်ကျော်လာခဲ့တာ နှစ်လကျော် ဆိုတဲ့အချိန်ကာလ တစ်ခုကို ရောက်ရှိလာခဲ့ပါတယ်။ ဒီကာလလေး အတွင်မှာ ကောင်မလေးအနေနဲ့ ပျော်ရွှင်စရာ လှပတဲ့နေ့ရက်လေးတွေကို ပိုင်ဆိုင်ခဲ့ရသလို၊ ကြေကွဲနာကျင်ရတဲ့ နေ့ရက်ပေါင်းများစွာကိုလည်း ကြုံဆုံခဲ့ရပါတယ်။ ကောင်လေးက “ ဒီကမ္ဘာလောကကြီး တစ်ခုလုံးမှာ ကောင်မလေးကိုသာ အချစ်ဆုံးပါ” လို့ ဘုရားရှေ့မှာ တိုင်တည်သစ္စာဆိုပြတဲ့ အခါ အတိုင်းအဆမရှိ ကြည်းနူးခဲ့ရတဲ့ ကောင်မလေးရဲ့ ရင်ထဲမှာ ခွဲခွာဖို့အတွက် အင်းအားတစ်ခုကို ရလိုက်သလိုပါပဲ။ ဘယ်တုန်းကမှ ပေါင်းဖက်ဆုံစည်းဖို့ မတွေးခဲ့တဲ့(မတွေးရဲ့ ခဲ့တဲ့) ကောင်မလေးဟာ ကောင်လေးနဲ့ တစ်နေ့တာ ဆုံတွေ့ပြီး လမ်းခွဲခါနီးတိုင်းမှာ မနက်ဖြန်ဆိုတာကို မမျှော်လင့်ရဲဘဲ မျက်ရည်ဝဲခဲ့ရတာ နေ့စဉ်နေ့တိုင်းပါပဲ။



ကောင်လေးက သူနဲ့သူရဲ့သက်ဆိုင်သူအကြောင်းကို နှစ်ဖက်မိဘတွေနဲ့ ပတ်ဝန်းကျင် အသိုင်းအ၀န်းတစ်ခုလုံး သိထားပြီးသာမို့ မရက်စက်ချင်ဘူးလို့ ပြောလာတဲ့ အခါ ကြိုတွေးထားပြီးတဲ့ ကောင်မလေးက ရယ်ချင်လွန်းတဲ့ မျက်နှာနဲ့ကောင်လေးကို ကြည့်နေခဲ့ပါတယ်။ အနေရခက်စွာ မျက်နှာလွှဲထားတဲ့ ကောင်လေးကို ငဲ့ညှာစွာနဲ့ “ ငါနားလည်ပါတယ် “ ဆိုတဲ့ စကားတစ်ခွန်းကိုပဲ နာကျင်စွာပြောဖြစ်ခဲ့ပါတယ်။ ပိုပြီး အဓိပာယ်ပြည့်စုံစေဖို့ အတွက် အပြုံးလေးပါစွက်ပြီး ပြောဖြစ်ခဲ့တာပါ။ ကောင်လေးက ဒီအပြုံးကို ကြည့်ရင်း “ နင် ကပျော့ညံ့မလိုလိုနဲ့ စိတ်အရမ်းမာတယ်၊ နင့်ကို ငါစိတ်ချတယ်၊ သူကတော့ ငါထားခဲ့ရင် အရမ်းခံစားသွားရမှာ “ လို့ကောင်လေးက နှိမ့်သိမ့်သလိုလို၊ ခွင့်ပန်သလိုလို ပြောလာတဲ့ အခါမှာတော့ ငိုစရာမျက်ရည်တွေတောင် ပျောက်ဆုံးသွားတော့မတတ် ခါးသက်သွားခဲ့ရပါတယ်။ ဒီလိုအခြေအနေတွေကို ကောင်လေးကြိုမတွေးခဲ့တာလား၊။ တစ်သက်လုံး ထုတ်ပြောဖြစ်မှာ မဟုတ်တဲ့ ရင်ဘတ်နှစ်ခုထဲက အချစ်ဆိုတဲ့ အရာကို စတင်တူးဖော်ဆွဲနှုတ်ခဲ့ပြီးမှ “ဆန္ဒတစ်ခုထက် လုပ်သင့်လုပ်ထိုက်တာကို လုပ်လိုက်ရတာပါ” ဆိုတဲ့ စကားတစ်ခွန်းနဲ့ လွယ်လွယ်လေး အဆုံးသတ်ဖို့ကြိုးစားခဲ့သတဲ့လား။



ချစ်ခြင်းဆိုတာ ပိုချစ်တဲ့သူကို ပိုရှုံးတယ်တဲ့။ ကောင်မလေးရဲ့ မာနအရတော့ ကောင်လေးထက် ပိုမရှုံးချင်ခဲပါဘူး။ ဘာလို့လဲဆိုတော့ ကောင်လေးဆီက သူမထက်ပိုများတဲ့ အချစ်တွေကို ရချင်ခဲ့လို့ပါပဲ။ ဒါပေမယ့် ကောင်လေးရဲ့ ပြုံးနေတဲ့ မျက်နှာတစ်ခုကို မြင်ရဖို့၊ ကောင်မလေးလိုချင်တဲ့ ကောင်လေးဆီက ပိုများတဲ့ အချစ်တွေကို စတေးခဲ့ရပါတယ်။ ကောင်မလေးကပဲ ကျေနပ်စွာ အရှုံးပေးခဲ့ပါတယ်။ တစ်ခါတစ်လေ ပိုရှုံးတာက ပိုကျေနပ်ဖို့ကောင်းတယ် ဆိုတာကို ကောင်မလေး သိလိုက်ရတယ်။ အရာရာကို ခွင့်လွတ်နားလည်ပေးနိုင်လွန်းခဲ့ပြန်တော့လည်း အဲဒီလောက်ထိ နားလည်ပေးလွန်းလို့ ဆိုပြီး ကောင်လေးက ကောင်မလေးကို မကျေမနပ်ဖြစ်ခဲ့ရ ပြန်တယ်လေ။ ကောင်မလေးက ကောင်လေးထက် ပိုပြီး သူမရဲ့မာနကို အလေးထားတယ်လို့ သတ်မှတ်သွားခဲ့ ပြန်တယ်။ ကောင်လေးရေ…ကောင်မလေးဆီက နင် ဘယ်လိုတုန့်ပြန်မှုမျိုးတွေကို လိုချင်ခဲ့တာလဲ။ နင်ဘာဖြစ်ချင်ခဲ့တာလဲ။ “ နင့်ကို နင့်သက်ဆိုင်သူက ထားခဲ့ရင်လည်း ငါမာနအရ နင့်ကို လက်မခံဘူး။ နင်က သူ့ကိုထားခဲ့မယ် ဆိုရင်လည်း နင့်ကိုအဲဒီလို လူတစ်ယောက်အဖြစ် လက်မခံနိုင်ဘူး။ နင်တို့နှစ်ယောက်လုံး သဘောတူညီစွာ ခွဲခွါဖို့ဆိုရင်လည်း ငါလုံးဝအားမပေးဘူး။ အဲဒီတော့ နင်နဲ့ ငါနဲ့ လက်တွဲနိုင်ဖို့ဆိုတာ ဒီတစ်သက်မဖြစ်နိုင်တော့ဘူး။” လို့သွေးအေးငြိမ်သက်စွာ ကောင်မလေးက ကောင်လေးကို ပြောခဲ့ပါတယ်။ အဲဒီအချိန်မှာတော့ ကောင်လေးက ကောင်မလေးကို စူးစူးနစ်နစ်စိုက်ကြည့်ရင်း “ နင် မာနကြီးမှန်း ငါသိပါတယ်။ “ ဆိုတဲ့စကားတစ်ခွန်းကို ပြန်ပြောခဲ့ပါတယ်။ တစ်ယောက်နဲ့ တစ်ယောက်နာကျည်းခြင်း၊ မုန်းတီးခြင်းမရှိပါပဲ “ ချစ်တယ် “ ဆိုတဲ့စကားကို အခါခါပြောရင်း လက်တွဲဖြုတ်ခဲ့ကြတဲ့ သူနှစ်ယောက် အတွက်ကတော့ တိုတောင်းလှတဲ့ အချိန်လေးအတွင်းမှာ ပိုင်ဆိုင်ခဲ့ရတဲ့ အရာတိုင်းဟာ တစ်သက်စာ လွမ်းစရာချည်းပါပဲ။ တစ်ခါတစ်ရံ မမျှော်လင့်ပဲ ကြုံတွေ့ခဲ့ရတဲ့ အမှတ်တမဲ့လေးတွေဟာ အမှတ်တရလေးတွေ ဖြစ်သွားတတ်သလို အဲဒီအမှတ်တရတွေဟာလည်း ကာယကံရှင်တောင် သတိမထားမိလိုက်ပဲ အမှတ်တမဲ့ ပြန်လည်ပျောက်ကွယ် သွားတတ်ပါတယ်။

ကောင်လေးရေ…အမြဲတမ်း ပြုံးနေတတ်တဲ့ ကောင်လေးတစ်ယောက်ရဲ့ အပြုံးတွေကိုမှ ချစ်မိတဲ့ ကောင်မလေးတစ်ယောက်ဟာ အဲဒီ့အပြုံးတွေကို သူအမြဲပိုင်ဆိုင်စေနိုင်ဖို့ အတွက် တစ်ထောင့်တစ်နေရာကနေ ရပ်ကြည့်ပြီး ကျန်နေရစ်ခဲ့လိုက်ပြီလေ။ ရှေ့ဆက်ရမယ့် ဘ၀ခရီးမှာ နောင်တမဲ့စွာနဲ့ ပျော်ရွှင်စွာ လျှောက်လှမ်းသွားနိုင်ဖို့ ဆုတောင်းပေးလိုက်ပါတယ်….။ ကောင်လေးရေ…မကြာခင်မှာ လက်ခံရတော့မယ့် ဖိတ်စာတစ်စောင်ကို စောင့်မျှော်ရင်း လွမ်းဖြစ်ရင်တောင် မငိုမိစေဖို့ ကောင်မလေး ကြိုးစားတတ်ခဲ့ ပြီလေ။ ဒါပေမယ့်လည်း မိုးရာသီရဲ့ မိုးစက်တွေကြားမှာ လမ်းလျှောက်မိတိုင်း ကောင်လေးရဲ့နာမည်ကို ယောင်ယမ်းပြီး တီးတိုးအော်ခေါ်နေမိတယ်လေ။ ဘယ်လိုပဲ ထင်မြင်ကြပါစေ၊ ချစ်ခြင်း၊ မုန်းခြင်း၊ ပျော်ရွှင်ခြင်း ကင်းစွာနဲ့ ဘ၀ရဲ့ နေ့ရက်တွေကို ခံစားချက်မဲ့စွာ ဖြတ်သန်းဖြစ်နေတဲ့ ကောင်မလေး တစ်ယောက်ကတော့ ဒီကမ္ဘာမြေပေါ်မှာ ယနေ့ထက်တိုင် ရပ်တည်ရှင်သန်နေဆဲပါပဲ…။
စူးရှဝိုင်

ရန်ကုန်မိုး (၂)

အထီးကျန်လှတဲ့ တစ်ချို့သော ရန်ကုန်မိုးညတွေမှာ မိုးတွေက မည်းမည်း၊ လယ်ကွင်းတွေက စိမ်းစိမ်း၊ အိမ်လေးတွေက ညိုညိုနဲ့ ကျွန်တော်နေခဲ့ဖူးတဲ့ မြို့လေးဆီ အိပ်မက်တွေကနေ တစ်ဆင့်ပြန်ရောက်သွားခဲ့မိတယ်။ မိုးသည်းသည်းတွေအောက်က သူတို့ရဲ့ ဘ၀ကြမ်းကြမ်းတွေကို စာနာနားလည်နိုင်ပေမယ့် လက်တွေ့ဘ၀မှာတော့ ကျွန်တော်.....ရန်ကုန်မိုးထဲ တစ်ဝဲ၀ဲလည်..။
မျိုးဇော် (၁၃.၀၇.၀၉)

ရန်ကုန်မိုး

ရန်ကုန်မိုးနဲ့ ကျွန်တော်ကျွမ်းဝင်ခဲ့ရတာ ရှစ်နှစ်တောင်ကျော်ခဲ့ပြီ။ ရန်ကုန်မိုးဆိုရင် ရွာလည်းခဏ၊ သည်းလည်းခဏ ဆိုတာ မြန်မာလူမျိုးတိုင်းလိုလို သိကြမှာပါ။ တစ်ခါတစ်လေတော့လည်း မိုးတစ်ခါရွာရင် ရက်တွေဆက်နေအောင် မတိတ်တဲ့၊ ချမ်းစိမ့်နေအောင်ရွာတတ်တဲ့ ငယ်ငယ်တုန်းကနေခဲ့ရတဲ့ ဧရာဝတီတိုင်းက နယ်မြို့လေးကို လွမ်းမိပါတယ်။ အခုရော အဲဒီမြို့လေးမှာ မိုးတွေနေ့ဆက် ညဆက်ရွာနေတတ်တုန်းပဲလား၊ ဒါမှမဟုတ် ရန်ကုန်မိုးနဲ့တူတဲ့ ရန်ကုန်သူတွေရဲ့ အချစ်လိုများ…။

မျိုးဇော် (၁၁.၀၇.၀၉)

ဒီဇင်ဘာရဲ့ အပြုံး

ဖေဖော်ဝါရီ (၂၅)
ဘ၀မှာ ထင်မှတ်မထားတဲ့
ကမ်းလှမ်းမှု တစ်ခုနဲ့
ငါတို့စတင် ဆုံစည်းခဲ့ကြတယ်။
ငါကလည်း ကျေကျေနပ်နပ်နဲ့
လက်ဆွဲနှုတ်ဆက်ရင်း
အဲဒီ့ နေ့ကသာ
ငါ့ဘ၀၊ ငါ့ခံယူချက်တွေကို
ပြောင်းလည်းစေမယ့်
နိဒန်းတစ်ခုဆိုတာ သိခွင့်ရခဲ့ရင်…။

မတ် (၂၇)
စိတ်ကူးတောင် ယဉ်မကြည့်ဘူးခဲ့တဲ့
ခရီးတစ်ခုကို ငါသွားခဲ့ရတယ်။
ငါချစ်တဲ့သူတွေနဲ့၊ ပြီးတော့ …
သူတို့တွေကို ငါဆန့်ကျင်ရင်း
အိပ်မက်ဆိုးတစ်ခုကို
စတင်မက်ဖို့ ဆုံးဖြတ်ချက်ချခဲ့တယ်။
အဲဒီနေ့ကသာ
ငါ့ရဲ့ခံယူချက်၊ ငါ့မာနတွေကို
ပြောင်းလည်းပစ်ဖို့၊ ခွန်အားတွေကို
ဖြစ်စေခဲ့တယ် ဆိုတာသိခဲ့ရင်…။

ဧပြီ (၄)
ဧပြီဖူးလ်မှာ စရ၊ နောက်ရတာကို
ခုံမင်တဲ့ငါ ဒီနှစ်တော့
အိပ်မက်တွေထဲ နှစ်မွန်းနေမိတယ်။
ဧပြီဖူးလ်ဒေးအပြီး လေးရက်ကြာတော့
ကောင်မလေးတစ်ယောက်က ပြောတယ်
Belated April fool ပါတဲ့။
ငါ့နှလုံးသားတွေ တစ်ခုလုံး
ကြေမွလို့၊ ရူးသွပ်သွားခဲ့ရတယ်။
ဒီလိုနေ့မျိုး....
ဘ၀မှာ ရှိလာခဲ့မယ်လို့များ
ကြိုသိခွင့် ရခဲ့ရင်…။


မေ (၂)
နွေနေပူရဲ့ နေ့လည်ခင်းကို
ရွံ့မုန်းတဲ့ငါ ဒီတစ်ခါတော့
ငါ သိပ်ဖြစ်ချင်ခဲ့တဲ့
ဌက်တစ်ကောင်လို၊
နွေနေပူထဲ၊ ပျံသန်းခဲ့မိတယ်၊
အပြာရောင်ထီးလေးတစ်ချောင်းနဲ့
အဲဒီနေ့ကသာ နွေနေပူထက်ပူတဲ့
အကြည့်တွေကိုများ မြင်တွေ့ခွင့်
ရခဲ့မယ်ဆိုရင်…။

တော်ပါပြီ
နောက်လာမယ့် ဇွန်၊ ဇူလိုင်တွေ
ရင်မဆိုင်ချင်တော့လို့
အခန်းထဲက ပြေးထွက်
နံရံပေါ်က ပြက္ခဒိန်ကို ဆွဲယူရင်း
ရက်တွေ၊ လတွေကို
တစ်ရွက်ချင်း ဆွဲဆုတ်နေလိုက်မိတယ်။
ဒါပေမယ့်…။
ဒီဇင်ဘာ စာမျက်နှာအရောက်
ပြက္ခဒိန်ပေါ်က
ဆံပင်တိုတိုကောင်မလေး တစ်ယောက်က
ပြုံးကြည့်နေတာ တွေ့လိုက်ရတယ်။

အပြုံး…။
ဒီအပြုံးတွေ၊ သူ့အပြုံးတွေ
ငါ့မှတ်မိနေမိတယ်။
ကြမ်းရှလှတဲ့ စုတ်ချက်တွေနဲ့ “ဒါဗင်ချီ”ရဲ့ရှေ့မှာ
မာနတစ်ခုနဲ့ ပြိုင်ဆိုင်ခဲ့တဲ့
နူးညံ့သိမ်မွေ့လှတဲ့
မိန်းမတစ်ယောက်ရဲ့ အပြုံး
မိုနာလီဇာရဲ့ အပြုံး
ငါမျက်နှာလွှဲခဲ့ရဖူးတဲ့၊ အပြုံး...။

ဟုတ်တယ်…။
ဒီအပြုံးတွေ၊ သူ့အပြုံးတွေသာ
ဖေဖော်ဝါရီကောင်မလေး
မြင်တွေ့ခွင့် ရခဲ့မယ်ဆိုရင်…။

မျိုးဇော် (၀၉.၀၇.၀၉)

(ဒီကဗျာလေးကို ကျွန်တော့်ဘလောဂ်လေးမှာ တင်မယ်လုပ်တော့ အရင်ဆုံး စာရွက်တစ်ရွက်ပေါ်မှာ အကြမ်းချရေးကြည့်မိတယ်။ တစ်ခါမှ မရေးခဲ့ဘူးတဲ့ လွန်ခဲ့တဲ့သုံးနှစ်ကျော်က ခရစ်စမတ်လက်ဆောင်ရခဲ့ဘူးတဲ့ ဘောလ်ပင် အ၀ါရောင်လေးနဲ့ပါ။ ကျွန်တော်ပြန်ပေးခဲ့ဘူးတဲ့ အဖြုနဲ့အနီကျား ဘောလ်ပင်လေးကတော့ ဘယ်ရောက်နေတယ် မသိ။)

H1N1 အတွက် အသစ်တီထွင်ထားတာပါ...။

ကြိုက်ကြိုက် ၊ မကြိုက်ကြိုက် အောက်မှာ comment ပေးခဲ့ပါ..။

မျက်မမြင်တစ်ယောက်ရဲ့ ဆန္ဒ

တစ်ခါကမွေးရာပါ မျက်မမြင်ကောင်မလေးတစ်ယောက်ရှိသတဲ့။ အဲဒီကောင်မလေးက အမြင်အာရုံချို့ရွင်းလို့ လူတောမတိုးနိုင်တဲ့ သူ့ဘ၀ကိုသူ အရမ်းအားငယ်နေတယ်တဲ့လေ။ ပြီးတော့သူ့ဘေးနားကလူတွေ ဖြတ်သွားတိုင်း ပြောသံကြားဖူးတဲ့ လောကကြီးရဲ့ မြင်ကွင်းတွေကိုလည်း သူမြင်ကြည့်ချင်တယ်။ ဒီလိုနဲ့ သူ့ရဲ့အထီးကျန်တဲ့နေရက်တွေကို လူတွေပြောပြောနေတဲ့ တိရစ္ဆာန်တွေ၊ အဆောက်အအုံတွေရဲ့ ပုံစံတွေကို သူ့ဟာနဲ့သူ စိတ်ကူးပုံဖော်ကြည့်ရင်း ဖြေသိမ့်နေရတယ်လေ။ ဒါပေမယ့် သူစိတ်ကူးယဉ်ကြည့်လို့ မရတဲ့ပုံပန်းသဏ္ဍန်တစ်ခုရှိနေတယ်။ အဲဒီဟာကတော့ လူတွေညဘက်ရောက်ရင် ပြောကြတဲ့ မှောင်လိုက်တာကွာ မည်းနေတာပဲ ဆိုတာကြီးကိုပေါ့။ သူက အဲဒီ လောကကြီးရဲ့ အမှောင်ထုဆိုတာကြီးကို ပိုပြီးစိတ်ဝင်စားမိတယ်။ ပြီးတော့ သူမသာ မျက်စိအလင်းရခဲ့ရင် အဲဒီအမှောင်ထုဆိုတာကြီးကို အရင်ရှာကြည့်မယ်ဆိုပြီး စိတ်ကူးတွေတောင် ယဉ်ထားသေးတယ်လေ။
ဒီလိုနဲ့ တစ်နေ့မှာ သူ့ရဲ့ ကံဆိုးလှတဲ့ ဘ၀ကို တွေးမိရင်း အားငယ်လို့ တစ်ယောက်တည်းငိုနေတုန်းမှာ ကောင်းကင်က အသံတစ်သံကို ကြားလိုက်ရတယ်။ အဲဒီ့အသံရှင်က သူ့ကိုတောင်းလိုရာတောင်းဆိုပြီး ဆုတစ်ခုတောင်းခိုင်းတယ်။ ဒါနဲ့ မျက်မမြင်မလေးလည်း ၀မ်းသာအားရနဲ့ မဆိုင်းမတွဆုတစ်ခုကို တောင်းလိုက်မိတယ်။ အဲဒီဆုက လူတွေပြောပြောနေတဲ့၊ သူအရမ်းကို တွေ့ချင်လှတဲ့ လောကကြီးရဲ့ အမှောင်ထုကို မြင်ဖူးချင်တယ်ဆိုပြီးတော့ပေါ့။ ဒါနဲ့ အသံရှင်ကလည်း ပြည့်စေဆိုပြီးပြောလိုက်တယ်ဆိုပါစို့။ ချက်ချင်းပဲ ကောင်မလေးလည်း အဲဒီအမှောင်ထုဆိုတာကြီးကို ၀မ်းသာအားရနဲ့ ကြည့်လိုက်မိတယ်လေ။ ဒါပေမယ့် သူဘာမှမမြင်ရလို့ ကောင်းကင်ကအသံရှင်ကို သူဘာမှ မမြင်ရကြောင်းပြောတော့ အသံရှင်က မင်းမြင်ချင်တဲ့ အမှောင်ထုဆိုတာ အဲဒါပဲဆိုပြီး ပြန်ပြောလိုက်တယ်။ ပြီးတော့အသံရှင်လည်း ပျောက်ကွယ်သွားတယ်လေ။ ကောင်မလေးငိုင်သွားတယ်။ ပြီးတော့ ပါးပြင်မှာ မျက်ရည်တွေ လှိမ့်ဆင်းလို့။ ပြီးတော့ သူမမျက်မမြင်ဘ၀တုန်းက မြင်ဘူးချင်ခဲ့လို့ အနှစ်အနှစ်အလလ တမ်းတခဲ့ရတဲ့ အရာတစ်ခုဟာ သူမအရင်ဘ၀မှာ ခံစားခဲ့ရတဲ့၊ အရမ်းကိုမုန်းတီးစရာကောင်းခဲ့တဲ့ အရာတစ်ခုပဲဆိုတာ သိလိုက်ရတယ်။ ပြီးတော့ ကုန်လွန်ခဲ့တဲ့ အချိန်တွေကိုလည်း နောင်တရမိတယ်လေ။

လူတိုင်းလိုလိုမှာလဲ ဒီပုံပြင်ထဲက ကောင်မလေးအတိုင်းပါပဲ။ ကိုယ်လက်ရှိရောက်နေတဲ့ ဘ၀တစ်ခုကို မကျေနပ်နိုင်ပဲ၊ ဒီ့ထက်ကောင်းတဲ့ ကိုယ်တစ်ခါမှ မရဘူးတဲ့ အတွေ့အကြုံတစ်ခုကို ရဖူးချင်ကြပြီး တစ်ခါတစ်လေကြတော့လည်း အဲဒီဆန္ဒတစ်ခုဟာ ကိုယ့်ကို အရင်ဘ၀နဲ့မခြားတဲ့ အခြေအနေတစ်ခုကိုပဲ ပြန်ရောက်စေခဲ့တယ် ဆိုရင်ရော...။
မျိုးဇော်(၀၂.၀၅.၀၉)

အိပ်မက်

အိပ်မက်တစ်ခုမက်တယ်။
အချစ်တစ်ခုကို မထိန်းချုပ်ခဲ့လို့တဲ့....
ငါ့ရင်ဘတ်မှာ မြှားချက်ပေါင်းများစွာနဲ့
အပြစ်ပေးထားတယ်။
ကြောက်လွန်းလို့
အငွေ့တောင်ဖြစ်သွားချင်တဲ့ ဆန္ဒတစ်ခုနဲ့
နူတ်ကနေ တစ်တွတ်တွတ် ဆုတောင်းနေတယ်
ဌက်ကလေးတစ်ကောင် ဖြစ်ပါရစေ.....။

ဖူးဖူး (၂၆.၀၄.၀၉)
( ဒီကဗျာလေးကတော့ ကျွန်တော့်ကဗျာ မဟုတ်ပါဘူး။ ကောင်မလေးတစ်ယောက်ပို့လိုက်တာပါ။ ကျွန်တော်ရေးခဲ့ဖူးတဲ့ ကဗျာတစ်ပုဒ်နဲ့လည်း နည်းနည်းတော့ ဆက်စပ်မှု ရှိမယ်ထင်ပါတယ်နော်။)

ထီးလေးတစ်ချောင်း

ကောင်လေးတစ်ယောက်
သူချစ်တဲ့ကောင်မလေး ဆီကနေ
စကားတစ်ခွန်း ကြားလိုက်မိတယ်။
မိုးတွေရွာနေတုန်း
ထီးလေးတစ်ချောင်းနဲ့
သူ့ဘေးမှာ အဖော်ပြုပေးတဲ့
ကျေးဇူးပါတဲ့…။

ကောင်လေးကလည်း
အဲဒီလို သူ့ဘေးနားမှာ
ထီးမိုးပြီး အဖော်ပြုပေးရတာကို
အရမ်း နှစ်သက်တယ်လေ။

ဒါပေမယ့်….
မတည်မြဲခြင်းဆိုတဲ့
အနိစ္စတရားတွေနဲ့ တည်ဆောက်ထားတဲ့
ဟောဒီ လောကကြီးမှာ
မိုးဆိုတာလည်း အမြဲတမ်း မရွာနိုင်ဘူးဆိုတာ
ကောင်လေးသိပါတယ်။

မိုးတွေစဲသွားတဲ့ တစ်နေ့
………………………………..
………………………………..
ကောင်မလေးရော
အဲဒီကောင်လေးရဲ့ ထီးတစ်ချောင်းနဲ့
အဖော်ပြုပေးတာကို
နှစ်သက်ပါအုံးမလား

ဘာပဲဖြစ်ဖြစ်ပါ
ကောင်လေးကတော့
သူရဲ့ ထီးလေးကို
ကောင်မလေး မလိုအပ်တော့ဘူး
ဆိုရင်တောင်မှ
မိုးတွေကို ဆက်ပြီးရွာစေချင်တယ်လေ။
ဘာဖြစ်လို့လဲ ဆိုတော့
ကောင်လေးဆီက
ယောင်္ကျာတန်မဲ့ ကျလာမဲ့
မျက်ရည်တွေကို မိုးနဲ့အတူ
ကောင်မလေး မသိအောင်
စီးမျောသွားစေချင်လို့ပါ…။

မျိုးဇော် (၂၄.၀၄.၀၉)

ကြယ်ဖြစ်သွားတဲ့ ဌက်ကလေး

ဌက်ကလေး တစ်ကောင်...
ကောင်ကင်မှာ တစ်ကောင်ထဲ အထီးကျန်ပျံနေရတယ်။
တစ်ခါတစ်လေတော့လည်း
အတောင်ပံတွေ ညောင်းရင်၊ မိုးတွေလေတွေ တိုက်ရင်၊
မှီခိုဘို့ကိုယ်ပိုင်အသိုက်အမြုံလေး တစ်ခုလောက်ကိုတောင့်တမိလေရဲ့။

ဒီတစ်ခါတော့....
သူလိုချင်တောင့်တ မိတဲ့
အသိုက်လေးတစ်ခုကို ၀ိုးတစ်ဝါးတွေ့လိုက်ရတယ်လေ။
ဒါနဲ့ လိုချင်တက်မက်စိတ်နဲ့
အပြေးလှမ်းလိုက်မိတယ်...
ဒါပေမယ့် အဲဒီအသိုက်လေးမှာ ပိုင်ရှင်ရှိမှန်းသိတော့
သူ့......ကိုယ်သူ အားငယ်သွားမိတယ်။

ဒါပေမယ့်...
သူကလည်း သူမာနလေးနဲ့
အမှီအခိုမဲ့ဆက်ပြန်နေမိတယ်......။

ကျွန်တော်ဖတ်ခဲ့ဖူးတဲ့ ပုံပြင်လေးတစ်ပုဒ်ရှိပါတယ်
ကောင်းကင်က ကြယ်လေးတွေက
အဲဒီလို အထီးကျန်ဌက်ကလေးတွေ
တစ်ကောင်တည်း မရပ်မနားပျံသန်းရာကနေ
အတောင်ပံတွေ မီးတောက်ပြီး...
ကြယ်လေးတွေ ဖြစ်သွားကြတာတဲ့။

ကျွန်တော်သာ
ကြယ်လေး တစ်စင်းဖြစ်ခဲ့ရင်...
မင်းရဲ့အသိုက်အမြုံလေး ကိုအလင်းရောင်ပေးနိုင်အောင်
ကြိုးစားမှာပါ...ကောင်မလေးရယ်။

မျိုးဇော် (၀၅.၀၄.၀၉)

ဘ နှင့် ၀

တစ်နေ့ညက အိမ်မှာမီးမလာတာနဲ့ ကျွန်တော်စောစောအိပ်ရာဝင်မိသည်။ အစောကြီး ရှိသေးသည်မို့ အိပ်လို့ကမရသေးတာနဲ့ ဟိုဟိုသည်သည်လျောက်တွေးနေမိသည်။ ဒီလိုနဲ့ ကျွန်တော်ဖတ်ခဲ့ဖူးသော စာအုပ်တွေအကြောင်း၊ လူတွေအကြောင်း စဉ်းစားနေမိသည်၊ နောက် စဉ်းစားရင်း ဘ၀ အကြောင်းရောက်သွားသည်။ “ဘ၀” ဘ၀ဆိုတာကို လူတွေအမျိုးမျိုး အဓိပာယ် ဖွင့်တာ ကျွန်တော် ကြားဖူးသည်။ တစ်ချို့တွေက ဘ၀ ဆိုတာ ဘ နှင့် ၀ ပေါင်းထားတာဟုဆိုသည်။ မိခင်ဘာသာစကားကို အခြေခံပြီး အပျော်အပျက်လိုလို ပြောကြခြင်းသာဖြစ်မည်ဟု ကျွန်တော်ထင်သည်။ ဒီလိုနဲ့ ကျွန်တော်လည်း ယင်းဘ၀ အကြောင်းကို ဆက်စဉ်းစားကြည့်မိသည်။


ကျွန်တော်တို့ မြန်မာစာတွင် ဗျည်းအက္ခရာ 'ဘ' နှင့် '၀' ကိုပေါင်းလိုက်လျှင် အလွန်နက်နည်း ရှုပ်ထွေးသည့် 'ဘ၀' ဆိုသည် အဓိပာယ်ကို ကိုယ်စားပြုသည့် ဝေါဟာရတစ်ခု ကိုရသည်။ ဒီလိုဆိုလျှင် 'ဘ' နှင့် '၀' ကိုရှေ့နောက် မထားပဲ 'ဘ' နောက်မှ' ၀' ကိဲု 'ဘ' ပေါ်တင်ကြည့်ရင်ရော၊ ဒီလိုဆိုရင်တော့ 'ဘိ' ဖြစ်သွားမည်။ နောက်တစ်မျိုး စဉ်းစားမိသည်၊ '၀' ကို 'ဘ' အောက်မှာ ၀ ဆွဲအနေနဲ့ သုံးကြည့်ရင်ရော၊ ဒီလိုဆိုရင်တော့ 'ဘ'ွ ဖြစ်သွားမည်။ ဘ၀ နှင့်မတူတော့။ဘာတွေမှန်းမသိ....ဒီလိုနဲ့ ကျွန်တော်အိပ်ပျော်သွားသည်။

နောက်နေ့ မနက်မိုးလင်းတော့ ရုံးသွားရသည်။ ရုံးရောက်တော့ မနေ့ညက စိတ်ကူးကို အင်တာနက်ပေါ်မှ နာမည်ကျော် Social Networking တစ်ခုဖြစ်သော Facebook ပေါ်တင်ကြည့်သည်။ “ ဘ + ၀ = ဘိ (or) ဘွ ? “ ဆိုပြီးတော့ ကျွန်တော့် Facebook profile ၏ status bar ပေါ်တွင် အပြောင်အပျက်လိုလို ရေးလိုက်မိသည်။ အချိန်တိုတိုလေးအတွင်းမှာ Facebook မှကျွန်တော် status ကို comment တွေရောက်လာသည်။ သူငယ်ချင်းတစ်ယောက်က ဘ+၀ ကို ဘွတ် ဟုနောက်သည်။နောက်တစ်ယောက်ကတော့ ဘွိ ဟုပြောသည်။ ဘာတွေမှန်း မသိပြန်....။

ညနေအိမ်ပြန်ရောက်တော့မှ မနက်က Facebook ပေါ်တင်လိုက်သော ဘ၀ ၏အဓိပာယ် ကို ပြန်စဉ်းစားကြည့်မိသည်။ ဘ၀ ဆိုတဲ့အဓိပာယ်ကို ဘ နှင့် ၀ ပေါင်းပြီး အဖြေရှာလို့ရပါသလား။ ကျွန်တော်စိတ်ကူးထဲမှာတော့ ဘိ တွေ ဘွ တွေအပြင် သူငယ်ချင်းတွေပြောသော ဘွိ တွေ ဘွတ် တွေပါပြန်မြင်ရောက်မိသည်။ ဟုတ်သည် ဘ၀ ဆိုသည်မှာ ယင်းအဖြေအားလုံးဖြစ်သည်။


ဘ + ၀ = ဘိ
'ဘ' နောက်မှ '၀' ကို 'ဘ' ၏အနောက်တွင် မထားပဲ 'ဘ' ပေါ်တင်ကြည့်လျင် ဘိ ဖြစ်သွားသည်။ 'ဘ' မှာ '၀' ကိုထမ်းထားရသလိုလိုနဲ့ သနားစရာကြီးဟု ကျွန်တော်ထင်သည်။ 'ဘ' မှာ '၀' ကိုထမ်းထားသည်မှာ အထုပ်အပိုးများကို မနိုင်မနင်းထမ်းထားရသော အဘိုအိုတစ်ဦးနှင့် တူသည်။ ကျွန်တော်တို့လည်း လူမှုဒုက္ခ အဖုံဖုံကို ထမ်းပြီး ဘ၀ ဆိုသည့်ခရီးကိုသွားနေကြရသည် မဟုတ်ပါလား။


ဘ + ၀ = ဘွ
ဒီတစ်ခါ '၀' ကို 'ဘ' အောက်တွင် ထားကြည့်မည်။ ဒီလိုဆိုလျင်တော့ 'ဘွ' ဖြစ်သွားပြန်သည်။ ကျွန်တော့် အမြင်တွင်တော့ 'ဘွ' ကတော်တော် ကြည့်ရဆိုးသည်ဟု ကျွန်တော်ထင်သည်။ တစ်နည်း ပြောရလျင် '၀'ဆွဲ ကြောင့် ဘ မှာကွတတ ဖြစ်နေသည်။ ၀ ကဆွဲထား၍လိုရာခရီးကို မသွားနိုင်ဖြစ်နေပုံရသည်။ ဟုတ်သည် ကျွန်တော်တို့ အားလုံးလည်း 'ဘ' နှင့် တူသည်။ ၀ နှင့်အလားသဏ္ဍန်တူသော သံယောဇဉ်တွေ၊ တဏှာရာဂတွေ စသောနွံတွေကြားမှ ရုန်းကန်နေကြရသည် မဟုတ်ပါလား။

ဘ + ၀ = ဘွိ
ဒီတစ်ခါတော့ '၀' ကနှစ်ခု ဖြစ်သွားသည်။ 'ဘ' ၏အပေါ်တွင်ရော အောက်တွင်ပါ နေရာယူလာသည်။ 'ဘ' ၏ပုံမှာ အပေါ်က '၀' ၏ ၀န်ကိုထမ်းထားရသည့် ကြားထဲ အောက်က '၀' ဆွဲ၏ ဒဏ်ကိုလည်းခံနေရသည်။ ကျွန်တော်တို့ ၀န်းကျင်မှ လူအတော်များများ၏ ဘ၀ မှာလည်း ယင်း 'ဘွိ' နှင့်ပိုပြီး ဆင်တူသည် ဟုကျွန်တော်ထင်သည်။ တစ်ဖက်က ဘ၀ မှပေးအပ်လာသော မိမိမဖြစ်မနေသည်ရမည့် ၀န်ထုပ်ဝန်ပိုးများကို တစ်ဖက်ကသယ်ရင်း၊ တစ်ဖက်ကလည်း တစ်ပါးသူ၏ သံယောဇဉ် နှောင်ကြိုးတွေ၏ ဆွဲငင်မှုဒဏ်ကိုလည်း ခံနေရသည် မဟုတ်ပါလား။

ဘ + ၀ = ဘ၀
နောက်ဆုံးစဉ်စားမိသည်က မူရင်းစာလုံး 'ဘ၀' ဖြစ်သည်။ အခု ဘ၀ မှာ အရင်ကျွန်တော်တွေးမိသော 'ဘ'ွ တွေ 'ဘိ' တွေ လိုကြည့်ရမဆိုးတော့။ သူ့နေရာနှင့် သူကြည့်ကောင်းနေသည်။ 'ဘ'က '၀' ကိုထမ်းမထားသလို '၀' ကလည်း 'ဘ' ကိုဆွဲမထား။ ဒီတော့လည်း 'ဘ၀' ဆိုတာရုပ်လုံးပေါ်လာသည်။ ဟုတ်သည် ကျွန်တော်တို့၏ နိစ္စဓူဝ အလုပ်တွေကို 'ဘိ' လိုလည်း ထမ်းမထားပဲ သူ့နေရာသူထားကြည့်လျင်၊ ကျွန်တော်တို့ ပုထုဇဉ်လူသားတွေ၏ တဏှာကို 'ဘ'ွ လို အဆွဲမခံရအောင်လည်း ထားနိုင်လျင် ဘ၀ ဆိုတာ ရုပ်လုံးပေါ်လာသည်။ ဘ၀ သည် ကိုယ်လုပ်သင့် လုပ်ထိုက်တာတွေ၊ လုပ်ချင်တာတွေ၊ လုပ်ရမှာတွေကို သူ့နေရာနှင့်သူ ထားပြီး လိုရာခရီးကို သွားရခြင်းဖြစ်မည်ဟုကျွန်တော်ထင်သည်။

ထို့ကြောင့် ကျွန်တော်စဉ်းစားခဲ့သော "ဘ+၀=" ၏ အဖြေမှာ 'ဘ၀' ပင်ဖြစ်ပါသည်။ ကျွန်တော်တို့ အားလုံး၏ ဘ၀တွေမှာလည်း ဘ နှင့် ၀ တို့၏ ဥပမာများကဲ့သို့ပင် ကိုလုပ်ရမည့် တာဝန်ဝတ္တရားကိုစီကို သူ့နေရာနှင့်သူ သင့်တင့် လျှောက်ပတ်အောင် စီမံခန့်ခွဲနိုင်လျှင် သာယာကောင်းမွန်သော ဘ၀ များကို ကိုယ်စီ ပိုင်ဆိုင်ကြမည် မှာမလွဲဧကန်ပင် ဖြစ်ပါသည်။

မျိုးဇော် (၀၆.၀၂.၀၉)

ရုပ်ရှင်ဖြစ်သွားတဲ့ ၀တ္တုတစ်ပုဒ်

မတ်လ (၂၇)ရက်၊ ၂၀၀၉ ခုနှစ်
ဒီနေ့ကျွန်တော် အရမ်းပျော်နေတယ်လေ။ ဘာဖြစ်လို့လဲ ဆိုတော့ကျွန်တော်အရမ်းကို တွေ့ချင်ခဲ့်တဲ့ ကောင်မလေးတစ်ယောက်နဲ့ အပြင်မှာ ပထမဆုံးတွေ့ရမယ့် နေ့မို့လို့ပါ။ ဒါပေမယ့် ကျွန်တော်တို့ နှစ်ယောက်က တစ်ယောက်နဲ့ တစ်ယောက် အပြင်မှာ တရားဝင် ချိန်းတွေ့ကျတာမျိုးတော့ မဟုတ်ပါဘူး။ ခရီးတစ်ခုကို အတူတူသွားရင် တွေ့ကြရမှာပါ။ ခရီးသွားဟန်လွှဲ ဆိုတာ ဒါမျိုးကို ပြောတာထင်ပါရဲ့။ အခု ကျွန်တော်စီးလာတဲ့ ကားကြီးက ရန်ကုန်-ပြည် လမ်းမကြီးပေါ်မှာ မြို့တော်ဟောင်း ရန်ကုန်ကနေ ပြည်မြို့ရှိရာ ပဲခူးတိုင်းထဲကို ဦးတည်ပြီးမောင်းနေတာပါ။ သူနဲ့ ကျွန်တော်ခရီး အတူတူသွားဖြစ်တယ် ဆိုပေမယ့် စီးကျတဲ့ ကားကတော့ တစ်စီးရယ်ပါ။ ကားပေါ်မှာ တစ်ယောက်တည်းထိုင်ရင်း သူနဲ့ ကျွန်တော်စတွေ့ခဲ့ ကြပုံကို ပြန်စဉ်စားနေမိတယ်လေ……။



ဒီလိုပါ သူနဲ့ ကျွန်တော်က ကော်ပိုရေးရှင်းကြီးတစ်ခုအောက်က ဌာနခွဲတွေမှာ အလုပ်လုပ်ကြတဲ့ ၀န်ထမ်းတွေပါ။ ဒါပေမယ့် သူနဲ့ကျွန်တော် စတွေ့ခဲ့ကြတာတော့ ဒီကော်ပိုရေးရှင်းကြီး တစ်ခုအောက်မှာ အလုပ်အတူတူလုပ်ကြလို့ဆိုတဲ့ အကြောင်းပြချက်ကြောင့်တော့ မဟုတ်ပါဘူး။ သူနဲ့ ကျွန်တော်စတွေ့ခဲ့ကြတာတော့ အွန်လိုင်းပေါ်မှာပါ။ ဘာကြောင့် အွန်လိုင်းမှာ တွေ့ခဲ့ကြတာလဲ ဆိုတာကိုတော့ နောက်မှပဲ ရှင်းပြတော့မယ်ဗျာ။ ဒီလိုနဲ့ သူနဲ့ ကျွန်တော်အရမ်းကို ခင်သွားကြတယ်ဆိုပါတော့။ ဒါပေမယ့် သူနဲ့ကျွန်တော်က အပြင်မှာ တစ်ခါမှ မတွေ့ခဲ့ဖူးကြပါဘူး။ သူ့ဓာတ်ပုံတောင်မှ သူ့ရဲ့ gtalk logo ထဲမှာ ၀ိုးတိုးဝိုးတားနဲ့ စက္ကန့်ပိုင်းလောက်ပဲ မြင်ဖူးခဲ့တာပါ။ ဒါပေမယ့် ကျွန်တော်ကတော့ စိတ်ထဲမှာ သူ့ကို တိတ်တခိုး စွဲလမ်းခဲ့မိလေရဲ့။ ဟိုးရှေးရှေးတုန်းက ပညာရှိက၀ိတွေပြောခဲ့တဲ့ အဆိုရှိပါတယ်။

အချစ်ဆိုတာ မျက်စိကစတယ်တဲ့။ တစ်ချို့ကျတော့လည်း အကြားအာရုံကစတယ်လို့ ဆိုခဲ့ပါတယ်။ အခုလို နည်းပညာတွေ တိုးတက်နေတဲ့ အိုင်တီခေတ်ကြီးမှာရော။ အင်း gtalk ကစတယ်လို့ ထပ်တိုးရမလိုတောင် ဖြစ်နေပြီဗျာ။ ဘာပဲပြောပြောပါ ကျွန်တော်သူ့ကို စွဲလမ်းခဲ့တာ သူနဲ့ကျွန်တော်ကြားက တူညီတဲ့ခံစားချက်တစ်ခု ရှိနေခဲ့တာနဲ့ တစ်ယောက်ကိုတစ်ယောက် နားလည်မှုတွေ ပေးနိုင်ခဲ့လို့ပဲလို့တော့ထင်ပါတယ်။ အွန်လိုင်းပေါ်မှာ ဖြစ်နေကြ ပေါ့ပျက်ပျက် ဇာတ်လမ်းတွေမျိုးထဲက တစ်ခုမဟုတ်ဘူးဆိုတာတော့ ကျွန်တော်ယုံကြည်ထားပါတယ်လေ။


တစ်ဖြည်းဖြည်းနဲ့ ကျွန်တော်စီးလာတဲ့ ကားကြီးလည်း ဟိုင်းဝေလမ်းမကြီးပေါ်ကနေ လမ်းဘေးတစ်နေရာကို ထိုးရပ်လိုက်တော့မှ နေ့လည်စာစားဖို့ အတွက်ထိုးရပ်လိုက်တာမှန်း သိလိုက်ရတယ်။ ဒီလိုနဲ့
သူ့ကို ကျွန်တော်တွေ့ရတော့မယ် ဆိုတဲ့အသိဝင်လာတဲ့ အချိန်မှာ ကျွန်တော်စိတ်ထဲမှာ တစ်ခါမှ မခံစားဖူးတဲ့ ခံစားချက်မျိုးခံစားလိုက်ရတယ်လေ။ ကျွန်တော် ၁ ပတ်ကျော် ရင်ခုန်စောင့်ခဲ့ရတဲ့ ဒီနေ့လေး၊ ပြီးတော့ဟောဒီ့ ကားကြီးပေါ်မှာ နာရီပေါင်း များစွာ စိတ်လှုပ်ရှား ကြည်နူး မျှော်လင့်ခဲ့ရတာတွေဟာ အားလုံးပျောက်ဆုံးသွားသလို ခံစားလိုက်ရတယ်လေ။ ရှင်းရှင်းပြောရရင် သူ့ကို ကျွန်တော်တွေ့ချင်စိတ် လုံးဝမရှိတော့လို့ပါပဲ။ ဒါနဲ့ ကျွန်တော်နောက်ဆုံးမှ စိတ်ညစ်ညစ်နဲ့ ကားပေါ်ကနေဆင်းခဲ့ပါတယ်…..။



လူတိုင်းလိုလိုမှာ ကိုအရမ်းကို စွဲလမ်းခဲ့ရဘူးတဲ့ ၀တ္တုဇာတ်လမ်းတွေ အနည်းဆုံး တစ်ပုဒ်စီတော့ ရှိကြမှာပါနော်။ အဲဒီ ကိုအရမ်းကြိုက်တဲ့ ၀တ္တုတွေကို ရုပ်ရှင်အဖြစ် အသက်သွင်းပြီး ရိုက်ကူးလာကြရင်ရော ခင်ဗျားတို့ ကြိုက်ကြပါအုံးမလား။ ဘယ်လောက်ပဲ နာမည်ကြီး သရုပ်ဆောင်တွေပါပါ၊ ခေတ်မှီနည်းပညာတွေ ဘယ်လောက်သုံးသုံး လူတိုင်းလိုလိုကတော့ ကိုအရမ်းကို စွဲလမ်းနှစ်သက်ခဲ့တဲ့ ၀တ္တုတွေလောက် ဇတ်လမ်းဇာတ်အိမ်၊ ရိုက်ကူးဖော်ပြမှုတွေဟာ မကောင်းဘူလို့ ထင်ကြတာပဲနော်။ တစ်ကယ်တော့ ၀တ္တုဆိုတာ စာရွက်တွေပေါ်မှာ စာရေးဆရာက သူရေးချင်တာတွေကို စာတွေစီပြီး စာရွက်တွေကို ပေါင်းချုပ်ထားတဲ့ စက္ကုထုပ်တစ်ထုပ် ပါပဲ။ ဒါပေမယ့် အဲဒီင်္ဝတ္တုတွေထဲက အနှစ်သာရတစ်ခုကို စာဖတ်သူက စွဲလမ်းသွားပြီဆိုရင်တော့ ၀တ္တုထဲက ဇာတ်ကောင်တွေ၊ နေရာရှုခင်းတွေကို စာဖတ်သူက သူစိတ်ကြိုက် သူနဲ့သန်ရာသန်ရာ ဖန်တီးယူသွားကြတာပဲလေ။ အဲဒီအချက်ကိုက ရုပ်ရှင်ဆိုတာနဲ့မတူတဲ့ အားသာချက်တစ်ခုပါပဲ။ ကိုယ်ဖတ်ခဲ့ဘူးတဲ့ ၀တ္တုတွေထဲမှာ ဇာတ်လိုက်တွေ၊ လုပ်ဆောင်ချက်တွေ၊ နေရာရှုခင်းတွေကို ကိုယ်တိုင် စိတ်ကူးယဉ် ပျော်မွေ့ခဲ့ကြပြီး၊ ဒီဇာတ်လမ်းလေးကို ပဲရုပ်ရှင်ဒါရိုက်တာတစ်ယောက်ကလည်း သူ့စိတ်ကြိုက် ဖန်တီယူတဲ့ အခါကို့စိတ်ထဲမှာ ဖန်တီးယူခဲ့တာတွေနဲ့ မတိုက်ဆိုင်တော့တဲ့ အခါ အဲဒီရုပ်ရှင်တွေကို လက်မခံနိုင် ဖြစ်ကြတော့တာပါပဲ။


အဲဒီလိုဆိုရင် ကျွန်တော်ရော။ ကျွန်တော့်အွန်လိုင်းပေါ်မှာ၊ ၅လက်မနဲ့ ၂လက်မလောက်သာကျယ်တဲ့ Gtalk chat room ထဲမှာ ကျွန်တော်စွဲလမ်းခဲ့တဲ့၊ စိတ်ကူးယဉ် ရူးသွပ်ခဲ့ရတဲ့ ကောင်မလေးကို ကျွန်တော်အပြင်မှာတွေ့ရင် ကျေနပ်လက်ခံနိုင်ပါအုံးမလား။ သူကရော ကျွန်တေိာကို တွေ့ရင် လက်ခံနိုင်ပါ့မလာ။ ဒီလိုနဲ့ နောက်ဆုံး ကျွန်တော်ကားပေါ်က ဆင်းခဲ့ပါတယ်။ ကားပေါ်ကဆင်းဆင်းချင်း သူကို့ရှာမကြည့်ပဲနေကြည့်လိုက်မိတယ်။ ဒါပေမယ့်လေ ကျွန်တော်ရဲ့ ဘေးနားမှာတော့ အွန်လိုင်းပေါ်မှာ ကျွန်တော်စွဲလမ်းခဲ့တဲ့ သူ့ရဲ့ အငွေ့အသက်တွေကတော့ လွှမ်းခြုံထားပါတယ်။ သူဘယ်လိုပုံစံမျိုးပဲ ဖြစ်ဖြစ်ပါ၊ ကျွန်တော်ဘေးနားမှာ သူရှိနေတယ် ဆိုတယ်အသိတစ်ခုနဲ့တင် ကျွန်တော်ကို ကျွန်တော်ကျေနပ်ပါတယ်။ ပြီးတော့ ရှေ့ဆက်ပြီး သူနဲ့တွေ့ရမယ့် နေ့တွေကို စိတ်ကူးယဉ် ကြည့်ခဲ့မိတယ်။ နောက်ဆုံးမှာတော့ ကျွန်တော် သူဘယ်လိုပုံစံမျိုးလည်း ဆိုတာသိလိုက်ရပါပြီ။ ကျွန်တော် စိတ်ကူးယဉ်ထားတဲ့ ကောင်မလေးနဲ့ အခုအပြင်မှာ မြင်နေရတဲ့ ကောင်မလေး ထပ်တူကျပါ့မလား။ ၀တ္တုထဲက ကိုကြိုက်တဲ့ ဇာတ်ကောင်တစ်ခုနဲ့ ကိုယ်နဲ့စိတ်ကူးချင်း ထပ်တူမကျနိုင်တဲ့ ဒါရိုက်တာတစ်ယောက် ဖန်တီးထားတဲ့ ဇာတ်ကောင်ကို လက်ခံနိုင်ပါအုံးမလား။ ဘာပဲဖြစ်ဖြစ်ပါ ကိုအရမ်းစွဲလမ်းခဲ့ရတဲ့၊ gtalk ထဲက စာကြောင်းတွေကို ကိုယ်တိုင်အသက်သွင်းထားတဲ့ စိတ်ကူးယဉ်ကမ္ဘာထဲက ကောင်မလေးတစ်ယောက်နဲ့ သဘာဝတရားကြီးတစ်ခုက လက်ဆောင်ပေးထားတဲ့ လက်တွေ့ဘ၀ထဲက ကောင်မလေး ထပ်တူမကျနိုင်ဘူး ဆိုတာ ကျွန်တော် စောစောကတည်းက လက်ခံနိုင်အောင် ကြိုးစားထားပြီးသားပါ။ ပြီးတော့ ကျွန်တော် အရမ်းမြတ်နိုးထားတဲ့ ၀တ္တုထဲက ဇာတ်ကောင်လေးကို အခုလို အပြင်မှာ ကျွန်တော်တွေ့လိုက်ရတာကို ကျွန်တော်ရင်ခုန်ပါတယ်။ ပြီးတော့ အရမ်းလည်း မြတ်နိုးပါတယ်။ သူ့ကိုကျွန်တော် ချစ်ခဲ့မိတာ အမြင်အာရုံတစ်ခုရဲ့ တက်မက်မှုက စခဲ့တာမဟုတ်ပါဘူး။ ကျွန်တော်ချစ်ခဲ့တာ သူနဲ့ ကျွန်တော်ကြားက ဖြန့်ကျက်ထားတဲ့ အွန်လိုင်းပေါ်ကနေ သန္ဒေတည်ခဲ့တာလို့ဆိုပါရစေ။ ကျွန်တော်စိတ်ကူးထဲက ၀တ္တုတစ်ပုဒ် ကိုအသက်သွင်းပေးခဲ့တဲ့ သဘာဝကံဇတ်ဆရာ ရဲ့လက်ရာမြောက်လှတဲ့ ရုပ်ရှင်တစ်ကားကိုလည်း လက်ခံနိုင်နေပါပြီ။ ဒါပေမယ့်လေ အဲဒီရုပ်ရှင်လေးက ဇာတ်သိမ်းပိုင်းကို မရောက်သေးပါဘူး။ ကျွန်တော် စိတ်ကူးမျှော်လင့်တဲ့ ၀တ္တုထဲက ဇာတ်သိမ်းခန်းလေးကို ဘယ်သူ့မှ အစိုးမရနိုင်တဲ့ သဘာဝကံဇာတ်ဆရာကရော ဖန်တီးပေးနိုင်ပါ့ မလားဆိုတာကိုတော့......။

မျိုးဇော် (၂၆.၀၄.၀၉)